ޑައިލިސިސް އަކީ ގުރުދާގެ މަސައްކަތް ރަނގަޅަށް ނުކުރެވޭ މީހުންގެ ހަށިގަނޑުން ނުބައި މާއްދާތައް ނައްތާލުމަށް ކުރާ ފަރުވާއެކެވެ. މި ފަރުވާ ހަދަނީ ގުރުދާގެ މަސައްކަތް ހުއްޓުމުގެ ސަބަބުން ހަށިގަނޑުގައި އެއްވެ ތިބޭ ނުބައި މާއްދާތަކާއި އިތުރު ދިޔާތަކެތި ނައްތާލުމަށެވެ.
ޑައިލިސިސް ހަދަނީ ކީއްވެގެންކަމަށް ބަލާއިރު، މައިގަނޑު ސަބަބަކީ ގުރުދާގެ މަސައްކަތް ރަނގަޅަށް ނުކުރެވުމެވެ. ގުރުދާއިން ކުރާ މަސައްކަތް ކުރުމަށްޓަކައި ޑައިލިސިސް މެޝިނެއް ބޭނުންކޮށްގެން ލޭ ސާފުކުރެވެއެވެ. މިގޮތުން ހަށިގަނޑުގައި އެއްވެފައި ހުންނަ ޔޫރިއާ، ޕޮޓޭސިއަމް އަދި އެހެނިހެން ނުބައި މާއްދާތައް ނައްތާލެވެއެވެ.
ޑައިލިސިސް ހެދުމުން ލިބޭ ފައިދާތަކުގެ ތެރޭގައި:ހަށިގަނޑުގައި އެއްވެފައިވާ ނުބައި މާއްދާތައް ނައްތާލުންލޭގައި ހުންނަ ކެމިކަލްތަކުގެ ބެލެންސް ހިފެހެއްޓުންލޭގެ ޕްރެޝަރު ކޮންޓްރޯލްކުރުންހަށިގަނޑުގައި ހުންނަ އިތުރު ދިޔާތަކެތި ނައްތާލުން
ޑައިލިސިސް ހެދުމުގެ އެކި ގޮތްތައް ހުރެއެވެ. އޭގެ ތެރޭގައި ވަގުތީ، ދާއިމީ އަދި ޕެރިޓޯނިއަލް ޑައިލިސިސް ކެތެޓަރުތަކާއި އޭވީއެފް ފިސްޓުލާތައް ހިމެނެއެވެ. ކޮންމެ ގޮތަކަށްވެސް އޭގެ ވަކި ބޭނުމެއް ވެއެވެ. ނަމަވެސް ހުރިހާ ގޮތެއް ހުރިހާ މީހުންނަކަށް އެކަށީގެން ނުވާނެއެވެ. އެހެންކަމުން، އެންމެ އެކަށޭނަ ގޮތް ހޯދުމަކީ ފަރުވާ ހޯދުމުގައި ވަރަށް މުހިންމު ކަމެކެވެ.
ޑައިލިސިސްގެ ޚިދުމަތް ފޯރުކޮށްދިނުމުގައި އެން.ޔޫ. ހޮސްޕިޓަލުން މުހިންމު ދައުރެއް އަދާކުރެއެވެ. މި ހޮސްޕިޓަލުން މި ޚިދުމަތް ދެނީ ތަޖުރިބާކާރު ޑޮކްޓަރުންގެ ބެލުމުގެ ދަށުންނެވެ. އަދި މިއީ ފަސޭހަކަމާއެކު އެ ހޮސްޕިޓަލުން ދެމުންގެންދާ ޚިދުމަތެކެވެ.
