ޗައިނާ ސަރުކާރުން ސްޕޮންސަރ ކުރާ ހެކަރުންގެ ގްރޫޕަކުން ފިނޭންސް މިނިސްޓްރީގެ ޑޭޓާ ވަގަށް ނަގައިފި ކަމަށް އެމެރިކާގެ ޓްރެޜަރީން ބުނެފިއެވެ. އެމެރިކާ މަސްއޫލުވެރިން ޗައިނާއަށް ތުހުމަތު ކުރާ މިމައްސަލައާ ބެހޭ ގޮތުން ބުނަނީ މިއީ "ބޮޑު މައްސަލައެއް" ކަމަށެވެ.

ޓްރެޜަރީ ޑިޕާޓްމަންޓުން ބުނަނީ އެޑިޕާޓްމަންޓްގެ ޑޭޓާ ވަގަށް ނެގިކަން އެނގުނީ ވިއުގައިގެ ސަލާމަތީކަންކަން ބަލަހައްޓަން ހަވާލުކޮށްފައިވާ ކުންފުންޏަށް އެކަން އެނގިގެން އެމީހުން ޓްރެޜަރީގެ ސަމާލުކަމަށް އެކަން ގަނައުމުންނެވެ.

ޑިސެމްބަރު މަހުގެ 8 ވަނަ ދުވަހު ހިނގާފައިވާ މި ވައްކަމާ ބެހޭ ގޮތުން ޓްރެޜަރީން ބޮޑު މައްސަލައެއް ކަމަށް ބުންޏަށް މިހާރު ބުނަނީ، ވަގަށް ނަގާފައި ވަނީ ސިއްރު ނޫން މައުލޫމާތެއް ކަމަށެވެ.

"ޗައިނާގެ އެޑްވާންސްޑް ޕަރސިސްޓެންޓް ތްރެޓް (އޭޕީޓީ) އެކްޓަރަކު ވަނީ މި ހަމަލާގައި ކްލައުޑް ގައި ބަހައްޓާފައި ހުރި ޓެކްނިކަލް ސަޕޯޓް ސާވިސްއާ ގުޅޭ ޑޭޓާ ކަހާލާފައެވެ." އެމެރިކާގެ ޓްރެޜަރީންބުނެއެވެ. އަދި ހެކަރުން ވަނީ ވަނީ ޕާސްވޯޑްތައްވެސް ވަގަށް ނަގާފައެވެ.

މިކަމުގެ ސަބަބުން ހެކަރުންނަށް ސެކިއުރިޓީ ޕްރޮޓޮކޯލްތައް އޮވަރރައިޑް ކޮށް، ޓްރެޜަރީގެ ވޯކްސްޓޭޝަންތަކަށް ދުރުގައި ތިބެގެން ހޯރައަޅައި ޑިޕާޓްމަންޓްގެ ޚިދުމަތްތައް ލިބިގަންނަ މީހުންގެ ލިޔެކިޔުންތައް ހޯދުމުގެ ފުރުސަތު ލިބިފައިވާ ކަމަށް ބުނެފައި ވެއެވެ.

ޓްރެޜަރީގެ ތަރުޖަމާނަކު ބުނަނީ މި މައްސަލަ އެފްބީއައި އާއި ސައިބަރ ސެކިއުރިޓީ އެންޑް އިންފްރާސްޓްރަކްޗާ ސެކިއުރިޓީ އެޖެންސީ (ސީއައިއެސްއޭ) ން ދަނީ ތަހުގީގު ކުރަމުން ކަމަށެވެ.

އިތުރު ލިޔުންތައް