ދުނިޔޭގެ އެއްވެސް ތަނެއްގައި ދިރިއުޅޭ ސޫރިޔާ މީހަކު މިސްރަށް ވަނުމަކީ މަނާކަމެއް ކަމަށް މިސްރުން ބުނެފިއެވެ.
މިސްރުން ދެކޭ ގޮތުގައި ސީރިޔާއަށް އައި ބަދަލީ މިސްރުގެ ގައުމީ ސަލާމަތަށް އޮތް ނުރައްކަލެކެވެ. މިސްރުގެ ސީސީ ވެރިކަމަށް ވަޑައިގަތީ މުރުސީއާ ދެކޮޅަށް ގެންނެވި އިންގިލާބަކުންނެވެ.
މުރުސީއަކީ އިޚުވާނުލް މުސްލިމޫން ޖަމާއަތުގެ މެމްބަރެކެވެ. އެއަށްފަހު މިސްރުން ދަނީ ގަދައަޅައި އިޚުވާން މީހުންގެ ޝަރީއަތް ކޮށް އެމީހުން ބަންދުކޮށް ޖަންޖައްސައި އެމީހުންނާ ދެކޮޅަށް ފިޔަވަޅު އަޅަމުންނެވެ.
މިސްރުން ބުނެފައި އެމެރިކާއާއި ޔޫރަޕްގައި ވަޒަންވެރިވެފައިވާ ސޫރިޔާ މީހަކު މިސްރަށް ވަންނަން ބޭނުންވިއަސް ދުރާލައި އެމީހަކު ޖާސޫސީ އިދާރާއިން ކްލިއަރެންސް ހޯދަން ޖެހޭނެ ކަމަށެވެ.
މިމަހުގެ 25 ގައި މިސްރުގެ އިންގިލާބުގެ އަހަރު ފާހަގަ ކުރާނެއެވެ. ބެލެވޭ ގޮތުގައި މިއަހަރު ގިނަ ބަޔަކު މަގުތަކަށް ނިކުމެ ހަލަބޮލިވާނެއެވެ. މިސްރުން އެޅި ފިޔަވަޅަކީ އެކަމަށް ރިއާޔަތް ކޮށް އެޅި ފިޔަވަޅެއް ކަމަށް ބެލެވެއެވެ.
