އާމިރު ޚާންގެ ދަރިފުޅު ޖުނައިދު ޚާން ސިނަމާއަށް ތައާރަފް ކުރަން ތައްޔާރުވެފައި ވަނީ އޭނާގެ ކުރިއަށް އޮތް ރޮމޭންޓިކް ކޮމެޑީ ފިލްމު "ލަވްޔާޕާ" ގެ ލީޑް ރޯލުން ފެނިގެންދާ ޚުޝީ ކަޕޫރާ އެކުގައެވެ.
ފިލްމުގެ ފުރަތަމަ ލަވަ މިހާރު ވަނީ ޝާހްރުކް ޚާން އާއި ސަލްމާން ޚާން ކިޔަމުން ޒުވާނުންނަށް ދޫކޮށްލާފައެވެ.
މިހާރު ލާލް ސިންގް ޗައްޑާގެ އެކްޓަރު ވަނީ އޭނާގެ ދަރިފުޅުގެ ފިލިމީ ދުނިޔެއަށް ހުރި ފޯރި ދުކިޔެއަށް ކިޔައިދީފައެވެ. އާމިރު ޚާން ބުނަނީ ޚުޝީގެ ޕާފޯމަންސް އިން ސްރީދޭވީގެ ހަކަތަ އިހުސާސް ކުރެވިގެންދާ ކަމަށެވެ.
އާމިރު ޚާން އާއި އޭނާގެ ދޮށީ ދަރިފުޅު އެކްޓަރު ޖުނައިދު ޚާން ވަނީ މި ފިލްމާ ބެހޭ ގޮތުން 25 ޑިސެމްބަރުގައި މީޑިއާއަށް އިންޓަރވިއު އެއް ދީފައެވެ. ދެ ބަފައިން ވަނީ ފިލިމުގެ މޮޅު ވާހަކަ ކިޔައިދީފައެވެ.
މިސްޓަރ ޕަރފެކްޝަނިސްޓް، އާމިރު ޚާން އޭނާގެ ދަރިފުޅު، ބޮޑު ސްކްރީނަށް ތައާރަފް ކޮށްދޭ ފުރަތަމަ ފިލްމާ މެދު އޭނާގެ ޚިޔާލުތައް ހިއްސާ ކުރަމުން ބުނީ އެޑިޓިންގެ މަރުހަލާގައި ބައެއް ބައިތައް އުޅޭ މިފިލްމުގެ ފެނުނު ބައިތަކުން ހިތްހަމަ ޖައްސާލެވޭ ކަމަށެވެ.
އެކްޓަރު-ޕްރޮޑިއުސަރު އާމިރު ޚާން ވަނީ ޚުޝީ ކަޕޫރުގެ މޮޅު ހުނަރަށް ތައުރީފު ކޮށްފައެވެ. "ފިލްމު ބަލާފައި ޚުޝީ (ކަޕޫރު) ފެނުމުން އަހަރެންނަށް ހީވީ ސްރީދޭވީ ގެ އެކްޓް ބަލަން އުޅެވޭ ހެން." އާމިރު ޚާން ކިޔައި ދިނެވެ.
ލަވްޔާޕާ އަކީ، އަދުވައިތު ޗަންދަން ޑައިރެކްޓް ކުރާ ފިލްމެކެވެ. މިފިލްމު ދުނިޔޭގެ އެކި ކަންކޮޅުތަކުގައި ރިލީޒްކުރާނީ 2025 ވަނަ އަހަރުގެ ފެބްރުއަރީ މަހުގެ 7 ވަނަ ދުވަހު އެވެ.
