އާ އަހަރު ފާހަގަކުރަން މާލެ ސަރަހައްދުގައި ޑްރޯން ޝޯއެއް ބާއްވައި ހަވާ އަރުވަން މޯލްޑިވްސް މާކެޓިން އެންޑް ޕަބްލިކް ރިލޭޝަން ކޯޕަރޭޝަން (އެމްއެމްޕީއާރްސީ) އިން ނިންމައިފިއެވެ.
އެމްއެމްޕީއާރްސީން މިކަން ހާމަކޮށްފައިވަނީ "އެކްސް" ގައި ކުރި ޕޯސްޓެއްގައިއެވެ.
އެމްއެމްޕީއާރްސީން ބުނީ މި މަހުގެ 31 ވަނަ ދުވަހުގެ ރޭ ބޭއްވުމަށް ހަމަޖެހިފައިވާ މި ޑްރޯން ޝޯ އަކީ އާ އަހަރު ފާހަގަ ކުރުމަށް ބާއްވާ އެންމެ މުހިންމު އެއް ކަންތައް ކަމަށެވެ. އަދި އެރޭގެ 21:00 ފެށިގެން 15 މިނެޓަށް މި ޑްރޯން ޝޯ ކުރިއަށް ގެންދާއިރު ޝޯގެ ތެރެއިން ފަތުރުވެރިއަކު ރާއްޖޭގައި ކުރާ ތަޖުރިބާ ދައްކާލުމުގެ އިތުރުން މި ޝޯއަށް ފަހު ދަންވަރު ހަވާ އެރުވުން އޮންނާނެ ކަމަށްވެސް އެ ކޯޕަރޭޝަނުން ބުންޏެވެ.
އާ އަަހަރު ފާހަގަކުރަން ރާވާފައިވާ އިތުރު ހަރަކާތްތަކުގެ މައުލޫމާތާއެކު އެ ކޯޕަރޭޝަނުން ކުރި ޕޯސްޓްފައި ބުނެފައިވަނީ ހަމައެދުވަހު ހުޅުމާލެ ސެންޓްރަލް ޕާކު ސަރަހައްދުގައި "މޯލްޑިވްސް ކަލްޗާ އެންޑް ފުޑް ފެސްޓިވަލް" ބޭއްވުމަށް ހަމަޖެހިފައިވާ ކަމަށެވެ.
އަދި މި ފުޑް ފެސްޓިވަލެއް މި ދެ ދުވަހު ކުރިއަށް ގެންދަން ހަމަޖެހިފައިވާއިރު، މި ފެސްޓިވަލްގެ ތެރެއިން ދިވެހި ތަފާތު އެކި ބާވަތްތަކުގެ ރަހަ ބަލާލުމުގެ ފުރުސަތު ލިބިގެންދާނެ ކަމަށް އެމްއެމްޕީއާރްސީން ބުންޏެވެ.
