ޕްރިޔަންކާ ޗޯޕްރާ އިންޑިއާގެ ފިލްމް އިންޑަސްޓްރީއަށް އެނބުރި އަންނައިރު އޭނާއާއެކު ފެނިގެން ދާނީ މަހޭޝްބާބޫއެވެ. ދިގު 5 އަހަރަށް ފަހު ޕްރިޔާންކާ ބޮލީވުޑްއިން މަހޭޝް ބާބޫއާއެކު ފެމިގެން ދާނީ ދުނިޔޭގެ އެކި ހިސާބުތަކުގައި ޖަންގަލީތަކުގައި ކުޅެފައިވާ ފިލްމަކުންނެވެ. މިއީ ދެ ބަޔަކަށް ބަހާފައިވާ ސިލްސިލާގެ ފިލްމެކެވެ.
އެސްއެސް ރާޖާމޯލީ ޑައިރެކްޓް ކުރާ ފިލްމުގެ ސްޓޯރީއާއި ސްކްރިޕްޓް ވަނީ ލިޔެ ނިމިފައެވެ. ގްލޯބަލް ޖަންގަލީ އެޑްވެންޗަރެއްގެ ގޮތުގައި ކުޅޭ މިޖާސޫސީ ފިލްމަށް އަދި ނަމެއް ދީފައެއް ނުވެއެވެ.
މިއަހަރުގެ ހޫނު މޫސުމުގައި އިންޑިއާ އާއި އިންޑިއާއިން ބޭރުގައި އަވަސް ތާވަލެއްގެ ތެރޭގައި މިފިލްމުގެ ޝޫޓިންތައް ފެށިގެން ދާނެއެވެ. ދެ ފިލްމު ނިންމާލާނީ ދެ އަހަރުންނެވެ.
