މި ޤައުމުގައި މުސްލިމުން ދިރިއުޅެ އެވެ. އެކަމަކު މިސްކިތެއް ނުހުރެއެވެ. ކޮން ޤައުމެއް ހެއްޔެވެ؟ މުޅި ދުނިޔޭގައި ވެސް ރީތިކަމާއި ތިމާވެށި ހިމާޔަތް ކުރުމުގެ ގޮތުން މަޝްހޫރު ބޫޓާންގައި މުސްލިމުންގެ އަދަދަކީ އެންމެ 7 ހާހެ އެވެ.
ބޫޓާނަކީ ދުނިޔޭގައި މިސްކިތެއް ނެތް ތިން ވަނަ ގައުމެވެ. ބޫޓާންގެ އިތުރުން މޮނާކޯ އާއި ސްލޮވޭކިއާގައި ވެސް މިސްކިތެއް ނުހުރެއެވެ.
ބޫޓާނުގައި މުސްލިމުން ނަމާދު ކުރަނީ އެމީހުންގެ ގޭގައެވެ. އެ ގައުމުގައި މިސްކިތެއް ނެތުމުން، ބައެއް މީހުން އިންޑިއާއަށް ނަމާދަށް ދެއެވެ. ބޫޓާންގެ މުސްލިމުން ވަނީ އިންޑިއާގެ ބޯޑަރުގައި އޮންނަ ޖައިގައުންގައި 2008 ވަނަ އަހަރު މިސްކިތެއް ބިނާ ކޮށްފައެވެ.
ދީނަށް އުޅުމުގެ މިނިވަންކަން ބޫޓާންގައި އޮވެއެވެ. ބޫޓާނަކީ އުފާވެރިކަން ގިންތިކުރުމަށް އަމިއްލަ މިންގަނޑެއް ގެންގުޅޭ ޤައުމެކެވެ.
ބުޑިޒަމް އަކީ ބޫޓާންގެ މައިގަނޑު ދީނެވެ.
މިގައުމުގެ އާބާދީގެ ހަތަރުބައިކުޅަ އެއްބައި މީހުންނަކީ ހިންދޫންނާއި ކްރިސްޓިއަނުންނާއި މުސްލިމުންނެވެ.
ބޫޓާނަކީ އާބާދީގެ ގޮތުން ކުޑަ ޤައުމެކެވެ. ޤައުމުގެ ޖުމްލަ އާބާދީއަކީ 7.5 ލައްކަ އެވެ. މިތަނުގެ 75 އިންސައްތަ މީހުންނަކީ ބުޑިސްޓުންނެވެ.
އަދި 22.6 ޕަސެންޓަކީ ހިންދޫންނެވެ. ބޫޓާނުގައި ހިންދޫ ފައްޅިތަކާއެކު ބުޑިސްޓް ފައްޅިތަކާއި މޮނާސްޓަރީތައް ހުރެއެވެ.
ބޫޓާންގެ އާބާދީގެ އެކެއް އިންސައްތައަކީ ރޯމަން ކެތޮލިކް ދީނުގެ މީހުންނެވެ. އެމީހުން ގިނައިން ދިރިއުޅެނީ އެގައުމުގެ ދެކުނު ސަރަހައްދުގައެވެ. ކްރިސްޓިއަން ދީން ބޫޓާނަށް ތައާރަފްވީ 1627 ވަނަ އަހަރު ފާދިރީން ދީން ފަތުރަން މަސައްކަތް ކުރުމުގެ ތެރޭގައެވެ.
ބޫޓާންގައި ދީން ބަދަލު ކުރުން މަނަލެވެ. ބުދު ދީނުގެ މީހުން ނޫން މީހުންނަށްވެސް ދީން ބަދަލު ކުރުމަށް ހުއްދައެއް ނޯވެއެވެ.
ބޫޓާނުގެ ރައްޔިތުންނަށް ބުޑިޒަމް ފިޔަވައި އެހެން ދީނީ ޢިމާރާތެއް އަޅައި ނުވަތަ އެހެން ދީންތަކުގެ ޢީދުތައް ފާހަގައެއް ނުކުރެވޭނެއެވެ.
ހިންދޫ ވެޑިކް ސްކޫލުތަކާއި ހިންދޫ ސަގާފަތާއި ސަގާފަތް ކިޔަވައިދޭ މަދަރުސާތައް ބޫޓާންގައި ހިންގަ އެވެ.
ބޫޓާނުގެ ހިންދޫން ވެސް ދަސޭރާ ފަދަ ހިންދީ ގިނަ އީދުތަކެއް ފާހަގަ ކުރެ އެވެ.
