އޯޓީޓީ ޕްލެޓްފޯމްތައް އާންމު ވަމުންދާއިރު، މީހުން ފިލްމު ބަލާ ގޮތަށް ބޮޑެތި ބަދަލުތައް އަންނަމުން ދާއިރު ސިނަމާ ފަނޑުވެގެން ނުދާނެ ކަމަށް ޕްރިޔާންކާ ޗޯޕްޅާ ދެކެއެވެ. ހިންދުސްތާން ޓައިމްސްއަށް ދިން އިންޓަރވިއުގައި ޕްރިޔާންކާ ބުނަނީ، އޯޓީޓީ ޕްލެޓްފޯމުތަކުން މީހުން ބޭނުން ވަގުތަކުން ބޭނުން އެއްޗެއް ބަލާލަން ލިބެން ހުރުމަކީ މިފަދަ މައުމާލޫމާތުގެ ތަނަވަސް ޒަމާނެއްގައި މުހިންމު ކަމެއް ކަމަށެވެ.
ޕްރިޔާންކާ ދެކެނީ އޯޓީޓީގެ ރާޅާއެކުވެސް ސިނަމާތައް ތަރައްގީވާނެ ކަމަށާއި މީހުން ސިނަމާތަކުގައި ފިލިމު ބަލަން ޝައުގުވެރިވާނެ ކަމަށެވެ.
"އަނދިރި ސިނަމާއަކަށް ވަދެ ފިލްމެއް ބަލުން ފަދަ ތަޖުރިބާއަކީ ދެވައެއް ނެތް ކަމެއް. ހަމައެކަނި ރައްޓެހިންނާއި އާއިލާއާ އެކު ނޫން، ބީރައްޓެހި ނުދަންނަ ބަޔަކު ވަދެ ފުރާ ތިބި ހޯލެއްގައިވެސް އެންމެނާއެކު ފިލިމު ބަލާކުމަކީ އާދަޔާ ޚިލާފު މީހުން ތަޖުރިބާ ކުރަން ބޭނުންވާނެ ކަމެއް" ޕްރިޔާންކާ ހިންދުސްތާން ޓައިމްސްއަށް ކިޔައި ދިނެވެ.
އުމުރުން 42 އަހަރުގެ ބަތަލާ ވަނީ ބޮޑު ސްކްރީނާއި އޯޓީޓީ ޕްލެޓްފޯމް ވެސް އަގުހުރި މުނިފޫހިފިލުވުމުގެ ވަސީލަތްތައް ކަމަށް ބުނެފައެވެ.
ދާދި ފަހުން މަރާތީ ފިލްމު ޕާނީ ކޯ ޕްރޮޑިއުސްކުރި ޗޯޕްޅާ ފާހަގަކުރި ގޮތުގައި ޓެކްނޮލޮޖީގެ ކުރިއެރުންތަކުގެ ސަބަބުން ސިނަމާގެ ތަޖުރިބާ ކުރިމަގުގައި އިތުރުވެގެންދާނެއެވެ.
ފިލްމު ބަލާ މީހުންނަށް ސިނަމާތައް ކަމުދާނެ ތަންތަނަށް ވާނީ، އައު ޓެކްނޮލޮޖީއާއެކު އަޑާއި މަންޒަރު ރަނގަޅު ފެންވަރަށް ގެނަސްދެވި، 3ޑީ، އައިމެކްސް، ފަދަ މީހުންގެ ޝުއޫރާ ކުޅެލާފަދަ އޯޑިއޯ ވީޑިއޯގެ އުފެއްދުންތައް ތައާރަފް ކުރެވޭތީ ކަމަށް އޭނާ ކިޔައިދިނެވެ.
