ސްރީލަންކާގެ އުތުރު ޕްރޮވިންސްގެ ކަރައިނަގަރު ބޯޓާޑް ތަރައްގީ ކުރުމަށް އިންޑިއާއިން 290 މިލިއަން ރުޕީސް ދޭން ނިންމައިފިއެވެ. މި މަޝްރޫއަކީ މިނިސްޓްރީ އޮފް ފިޝަރީޒް، އެކްވަޓިކް އެންޑް އޯޝަން ރިސޯސަސްގެ ދަށުން ހިންގާ ސީ-ނޯ ފައުންޑޭޝަން ލިމިޓެޑްގެ ކަރައިނަގަރު ބޯޓްޔާޑް މަރާމާތު ކުރުމުގެ މަސައްކަތްކުރިއަށް ގެންދާނެ މަޝްރޫއެކެވެ.
މި ބޯޓުޔާޑަށް ބޭނުންވާ ޕްލާންޓްތަކާއި، މެޝިނަރީތަކާއި، އިކުއިޕްމަންޓް، މެޓީރިއަލް ގަތުމާއި އިންސްޓޯލްކުރުން ހިމެނެއެވެ. އަދި މިއީ މިހިސާބުގެ މަސްވެރިންގެ ދިރިއުޅުމުގެ ފެންވަރު މަތިކުރުމަށް ލިބޭ ފުރުސަތެއް ކަމަށް ސްރީލަންކާއިން ބުނެއެވެ.
ސްރީލަންކާއާއެކު 5 ބިލިއަން ޑޮލަރަށްވުރެ ގިނަ ޑޮލަރުގެ ޑިވެލޮޕްމަންޓް ކޯޕަރޭޝަން ގެ މަސައްކަތްތައް އިންޑިއާއިން ކުރިއަށް ގެންދެއެވެ.
ދާދި ފަހުން އިންޑިއާއިން ވަނީ އުތުރު ޕްރޮވިންސްގައި 41،000 އަށް ވުރެ ގިނަ ގެ އިމާރާތްކޮށްދީފައެވެ. އަދި ހަސްފަތާލާއި އެމްބިއުލާންސާއިން ޒަމާނީ ސަގާފީ މަރުކަޒެއް ގާއިމް ކުރުމާއި ކަންކެންސަންތޫރައި ބަނދަރު ހެދުމުގެ މަސައްކަތްވެސް ކުރިއަށް ގެންގޮސްފައި ވެއެވެ.
