ޓްރަމްޕްގެ އިންތިޚާބީ ކާމިޔާބީއާ ގުޅިގެން އޭނާގެ ރިޔާސަތަށް ތައްޔާރު ވުމަށް ޖާގަ ދިނުމަށްޓަކައި ލަސްކުރި ޙުކުމް އިއްވުން މިމަހު 10އަށް ކޯޓުގައި ތާވަލްކޮށްފިއެވެ. މިއީ އޮރިޔާން ފިލްމު ކުޅޭ އަންހެނަކު ރޭޕްކުރުމަށްފަހު އޭނާ ހިމޭން ކުރުމަށް ރިޝްވަތު ދިނުމާ ގުޅޭ މައްސަލައަކާއި އެކަމާ ގުޅޭ އެހެން ކުށްތަކާ ގުޅޭ ދައުވާތަކެކެވެ.

ނިއުޔޯކުގެ ކޯޓުގެ ގާޒީ ހުއާން މާޗަން ވަނީ ޓްރަމްޕަށް އިމްތިޔާޒުތަކެއް ލިބިގެންދާނެ ކަމަށް ބައްލަވާފައެވެ. އަދި ޓްރަމްޕްގެ 34 ދައުވާގެ ކުށް ސާބިތުވުމުން އަދަބެއް ދެއްވަން ފަސްޖެހިވަޑައިގަންނަވާ ކަމަށްވެސް އިޝާރާތް ކުރައްވާފަ އެވެ.

މާޗަން ވިދާޅުވީ ޝަރުތުތަކާ ނުލައި ކޯޓުން ދޫކޮށްލުމަކީ "އެންމެ މުނާސިބު ހައްލު ކަމަށް ފެންނަ" ކަމަށާއި ޓްރަމްޕް ބޭނުންފުޅުނަމަ، މަޖާޒީގޮތަކަށް ޝަރީއަތުގެ މަޖިލީހުގައި ބައިވެރިވެ ވަޑައިގަތުމުގެ ފުރުސަތު ދެއްވާނެ ކަމަށެވެ.

ގާޒީ ވަނީ ޓްރަމްޕަށް ޖަލު ޙުކުމެއް ނުއިއްވަވާނެ ކަމުގައި ވިދާޅުވެފައެވެ. ނަމަވެސް އޮރިޔާން ފިލްމު ކުޅުނު ސްޓޯމީ ޑެނިއެލްއާއެކު ޖިންސީގުޅުމެއް ހިންގައި އެކަން މަތިޖަހަން ކުރި މަސައްކަތުގައި ޓްރަމްޕް ކުށްވެރިވާކަމަށް ތަހުކީމް ކޮމިޓީން ވަނީ ނިންމާފައެވެ. ފަނޑިޔާރު ވިދާޅުވީ ތަޙުކީމް ކޮމިޓީގެ ނިންމުމަކީ އެމެރިކާގެ ޝަރުޢީ އާދަކާދައިގެ އަސާސެއްކަމަށާއި އެ ކޮމިޓީގެ ނިންމުން ބޮލާލައި ނުޖެހޭނެ ކަމަށެވެ.

12 މެމްބަރުންގެ ތަޙުކީމް ކޮމިޓީގެ އިއްތިފާގުން ވަނީ 34 ދައުވާ ޓްރަމްޕްގެ މައްޗަށް ސާތިބުވާ ކަމަށް ބުނެފައެވެ. ނަމަވެސް އޭނާ މިފައްތަރުގައި ޖަލަށް ލާން ނުފެންނަ ކަމަށް ކޮމިޓީން ވަނީ ބުނެފައެވެ. އެހެންވެ، ގާޒީވެސް ވަނީ އެކަމަށް ރިއާޔަތް ކުރައްވާފައެވެ.

ޓްރަމްޕް ވެގެންދާނީ އެމެރިކާގެ އިސްމަގާމު ފުރުއްވާ އެންމެ ފުރަތަމަ މުޖުރިމަށެވެ. ޔައުނީ، ބަދު އަޚުލާގީ އަމަލެއް ހިންގައިގެން ޖިނާއީ ކުށުގެ ރެކޯޑަކާއެކު ވެރިކަން ކުރާ ދުނިޔޭގެ ބޮޑު ޑިމޮކްރެސީގެ ފުރަތަމަ ލީޑަރަށެވެ.

އިތުރު ލިޔުންތައް