ޕެނަމާ ކެނަލް އާއި ގްރީންލޭންޑް ޖަޒީރާއާ ހޯދަން ބާރުގެ ބޭނުން ކުރަންޖެހިއްޖެނަމަ އެކަން ކުރަން ފަސް ނުޖެހޭނެ ކަމަށް އެމެރިކާގެ ރައީސް މުންތަޚަބް ޑޮނަލްޑް ޓްރަމްޕް ވިދާޅުވެއެވެ.
ނޫސްވެރިންގެ ބައްދަލުވުމެއްގައި މީޑިއާއިން ސުއާލުކޮށްފައި ވަނީ، މި ދެ ސަރަހައްދު ކޮންޓްރޯލް ކުރަން އޭނާގެ ސަރުކާރުން ކުރާ މަސައްކަތުގައި އަސްކަރީ ނުވަތަ އިގްތިސާދީ ބާރު ބޭނުން ނުކުރާނެ ކަމުގެ ޔަގީންކަން ދުނިޔެއަށް ދެވިދާނެތޯ އޭވެ!
ޖަވާބުގައި ޓްރަމްޕް ވިދާޅުވީ "އަހަންނަށް ޔަގީންކަމެއް ނުދެވޭނެ، ތިޔަ ދައްކަވަނީ ޕެނަމާ އާއި ގްރީންލޭންޑްގެ ވާހަކަ" ކަމަށެވެ.
ޓްރަމްޕް ވިދާޅިވީ ޕެނަމާ ކެނަލްއާއި ގްރީންލެންޑް ބޭނުންވެގެން އެމެރިކާ އުޅެނީ، އެމެރިކާގެ ޤައުމީ ސަލާމަތަށާއި އިގްތިސާދަށް ކަމަށް ރޮއިޓާސް އިން ރިޕޯޓްކޮށްފައިވެ އެވެ.
ޓްރަމްޕްގެ މިއަމަލީ މި ތަންތަނުގެ ސިޔާދަތަށް އަރައިގަނެ، މިނިވަން މުސްތަގިއްލު ތަންތަނަށް ބޮޑުބާރަކުން އަތްގަދަ ކުރުމުގެ އަމަލެއް ދުނިޔެއަށް ދައްކައި ދުނިޔެ ނާމާން ކޮށްލުމެކެވެ.
"އަސްކަރީ ފިޔަވަޅެއް ނާޅާނެ ކަމަކަށް އަޅުގަނޑު ބުނުނާނަން،" ޓްރަމްޕް ވިދާޅުވި އެވެ. އަދި އިތުރަށް ވިދާޅވީ، ޕެނަމާ ކެނަލް އަކީ އެމެރިކާގެ ޤައުމަށް ވަރަށް މުހިންމު ތަނެއް ކަމަށެވެ. އަދި ގައުމީ ސަލާމަތުގެ ބޭނުމުގައި ގްރީންލޭންޑް ބޭނުންވާ ކަމަށެވެ.
ގްރީންލޭންޑަކީ ޒާތީ މިނިވަން ދެވިފައިވާ ޑެންމާކުގެ ސަރަހައްދެކެވެ. އަދި ޑެންމާކަކީ، އެމެރިކާގެ ދިގު މުއްދަތުގެ އެކުވެރިއެއް ކަމަށާއި، ނޯތު އެޓްލާންޓިކް ޓްރީޓީ އޮގަނައިޒޭޝަން (ނޭޓޯ) ގެ ފައުންޑިންގ މެމްބަރެކެވެ.
ކެނެޑާ ހިފުމާ ބެހޭ ގތުން އޭނާ ވިދާޅުވީ އެކަން ކުރާނީ އިގްތިސާދީ ގޮތުން އެމީހުން ހައްލައިގެން، "އިގްތިސާދީ ބާރަށް" ބަރޯސާވެ ކަމަށް ވިދާޅުވި އެވެ.
ޓްރަމްޕް ވައުދުވެވަޑައި ގެންފައި ވަނީ "އެމެރިކާއަށް ރަންޒަމާނެއް" ގެންނާނެ ކަމަށާއި، މެކްސިކޯ ގަލްފުގެ ނަން "އެމެރިކާގެ ގަލްފް" ގެ ނަމަށް ބަދަލު ކުރަން މަސައްކަތް ކުރައްވާނެ ކަމަށެވެ.
