ޓްރަމްޕްގެ އިންޒާރާއެކު ޑެންމާކްގެ ބޮޑު ވަޒީރު މަސައްކަތް ކުރައްވަނީ ޓްރަމްޕް ލޮއްސައިލައްވާށެވެ. ބޭރުގެ ބޭނުންކޮށްގެން ވިއަސް، ގްރީންލޭންޑް ހިފާނެ ކަމަށް ޓްރަމްޕް ވިދާޅުވުމުން ޑެންމާކުގެ ބޮޑުވަޒީރު މެޓް ފްރެޑްރިކްސަން ވިދާޅުވަނީ، ގްރީންލޭންޑް ހިފުމަށް އެމެރިކާއިން އަސްކަރީ ނުވަތަ އިގްތިސާދީ ބާރު ބޭނުންކުރާނެ ކަމަށް އޭނާ ގަބޫލު ނުކުރައްވާ ކަމަށެވެ.
ޕެނަމާ ކެނަލް އާއި ގްރީންލޭންޑް ހޯދަން ބާރުގެ ބޭނުން ކުރަން ޖެހިއްޖެނަމަ އެކަން ކުރާނަން: ޓްރަމްޕް
ޑެންމާކުގެ ބްރޯޑްކާސްޓަރު ޓީވީ2 އަށް ދެއްވި އިންޓަވިއުއެއްގައި ޓްރަމްޕްގެ ވާހަކަފުޅަށް މުޚާތަބު ކުރައްވައި ބޮޑުވަޒީރު ފްރެޑްރިކްސަން ތަކުރާރުކޮށް ވިދާޅުވީ އާކްޓިކް ސަރަހައްދަށް އެމެރިކާއިން ބޮޑު ޝައުގުވެރިކަމެއް ދިނުމުން މަރުހަބާ ކިޔާ ކަމަށާއި ނަމަވެސް އެމރިކާއިން އެކަން ކުރަން ޖެހޭނީ ގްރީންލޭންޑްގެ އާބާދީއަށް "އިހުތިރާމް" ކުރަމުން ކަމަށެވެ.
