ޕާކިސްތާންގައި ޓެރަރިސްޓް ހަމަލަތަކުގައި 10 އަހަރު ދުވަހުގެ ތެރޭގައި އެންމެ ގިނައިން މީހުން މަރުވި އަހަރަކީ 2024 ވަނަ އަހަރު ކަމުގައި ވާނެއެވެ.
ސެންޓަރ ފޯ ސެކިއުރިޓީ އެންޑް ސްޓްރެޓެޖިކް ސްޓަޑީޒް (ސީއާރުއެސްއެސް) ގެ އަހަރީ ސެކިއުރިޓީ ރިޕޯޓް 2024 އިން ދައްކާ ގޮތުގައި ޕާކިސްތާނުގައި ހަމަނުޖެހުންތަކާ ގުޅިގެން 2،546 މީހުން މަރުވެފައި ވެއެވެ. އަދި އާންމުންނާއި ސަލާމަތީ ޚިދުމަތުގެ މުވައްޒަފުންނާއި ގާނޫނާ ޚިލާފުވާ މީހުންގެ ތެރެއިން 2،267 މީހުން ޒަހަމްވެފައިވެ އެވެ.
މި އިންސާނީ ގެއްލުންތަކުގެ އަދަދު ގުނާފައިވަނީ 1،166 ޓެރަރިސްޓް ހަމަލާތަކާއި ޓެރަރިޒަމްއާ ދެކޮޅަށް ސިފައިންނާއި ފުލުހުން ހިންގި އޮޕަރޭޝަންތަކުގެ ސަބަބުން މަރުވެފައިވާ މީހުންނާއެކުގައެވެ.
އެހެންވެ، ރިޕޯޓުގައި ފާހަގަ ކޮށްފައި ވަނީ 2024އަކީ ޕާކިސްތާންގެ ސަލާމަތީ މާހައުލަށް ލިބުނު ހިތާމަވެރި އަހަރެއް ކަމަށެވެ.
2023 ވަނަ އަހަރާ އަޅާބަލާއިރު މި އަދަދުތަކުން ދައްކުވައިދެނީ އަނިޔާވެރިކަން 66 ޕަސެންޓަށް ވުރެ މައްޗަށް ގޮސްފައިވާ ތަނެވެ. އަދި އަނިޠާވެރި ޙަމަލަތައް 55 އިންސައްތަ މައްޗަށް ގޮސްފައިވާ ތަނެވެ.
މިއީ އެވްރެޖްކޮށް ނިސްބަތުން ދުވާލަކު ގާތްގަނޑަކަށް ހަތް މީހުންގެ ފުރާނަ ގެއްލޭ ކަމަށް ދައްކާ ނިސްބަތެކެވެ.
2024 ވަނަ އަހަރުގެ އެހެން ހުރިހާ މަސްތަކާ އަޅާބަލާއިރު ނޮވެމްބަރު މަހަކީ އެންމެ ގިނައިން މީހުން މަރުވި މަހެވެ. އަދި މިއަށްވުރެ މުހިންމުކަމަށް ފާހަގަ ވަނީ، ޖޫން މަހު ޕާކިސްތާން ސަރުކާރުން ޓެރަރިޒަމާ ދެކޮޅަށް އާ އަސްކަރީ އޮޕަރޭޝަނެއް ކަމަށްވާ އަޒްމޭ އިސްޓެހްކާމް އޮޕަރޭޝަން އިއުލާން ކުރުމުން ޓެރަރިޒަމްގެ ހާދިސާތައް އިތުރު ވެފައިވާ ކަމެވެ.
ސީއާރުއެސްއެސްގެ ރިޕޯޓުން ދައްކާ ގޮތުގައި އެންމެ ބޮޑަށް އަނިޔާވެރިކަމުގެ ސަބަބުން ފުރާނަ ގެއްލިފައި ވަނީ 1،616 މީހުން މަރުވި ޚައިބަރު ޕަޚްތުންޚްވާ ގައެވެ.
ދެވަނއަށް ބަލޫޗިސްތާނުން 782 މީހުން މަރުވެފައި ވެއެވެ. މި ދެ ޕްރޮވިންސަކީ، މުޅި ގައުމުގައި މީހުން މަރުވި ހުރިހާ ހާދިސާތަކުގެ 94 ޕަސެންޓު ހާދިސާތައް ހިނގާފައިވާ ތަންތަނެވެ.
އަހަރުތަކެއް ވަންދެން ބަލޫޗް އަދި ޕަޝްތޫންގެ އާބާދީގެ ބޮޑު ބައެއް ދިރިއުޅޭ މި ބޯޑަރު ޕްރޮވިންސްތަކުގައި ޓެރަރިޒަމާއި ނިޒާމުން ގެއްލުވާލުމުގެ ބުރަ ތަހައްމަލު ކުރަމުން ދަނީ ކައުންޓަރ ޓެރަރިޒަމް އޮޕަރޭޝަންތަކާ އެކުގައެވެ.
އަފްޣާނިސްތާނާއި އީރާނާއެކު ޕާކިސްތާނުގެ ގުޅުން ގޯސްވަމުންދާ މިންވަރަށް ބަލާއިރު، ބަލޫޗިސްތާނާއި ޚައިބަރު ޕަޚްތުންޚްވާއަށް ކުރިމަތިވެފައިވާ ނުތަނަވަސްކަމާއި އެގައުމުގެ ސަލާމަތީ އިދާރާތަކުގެ ހަރުކަށިކަން އިތުރު ވެގެން ދެއެވެ.
ބޯޑަރު ޑިސްޓްރިކްޓްތަކުގެ ތެރޭގައި ހިމެނޭ، ޚައިބަރުގެ ޚުއްރަމް، އުތުރު ވަޒީރިސްތާން، އަދި ޚައިބަރުގެ އިތުރުން ބަލޫޗިސްތާނުގެ ކުއެޓާ، ކެޗް، ކަލާޓް، އަދި މުސާޚައިލް ފަދަ ސަރަހައްދުތަކަކީ އަބަދުވެސް ޚަބަރުގައި އެތަންތަނުގެ ހާދިސާތައް ރިޕޯޓު ކުރެވޭ ތަންތަނެވެ.
2021 ވަނަ އަހަރުގެ އޮގަސްޓް މަހު އަފްޣާނިސްތާނުން ބޭރުގެ ސިފައިން ފައިބައިގެން ދިޔަ ފަހުން ޚައިބަރު ޕަޚުތޫންޚުވާގެ ސަލާމަތީ ހާލަތު ވަރަށް ބޮޑަށް ގޯސްވެފައި ވެއެވެ.
