ހިރޮޝިމާއަކީ އެމެރިކާގެ ޖަރީމާއެކެވެ. އަދި ޣައްޒާއަކީ އެމެރިކާއިން ދިން ހަތިޔާރުން އިޒްރޭލުން ހިންގި ޖަރީމާއެކެވެ.
ނޫސްވެރިންގެ ބައްދަލުވުމުގައި ވާހަކަ ދައްކަވަމުން، ލޮސް އެންޖެލިސް ކައުންޓީގެ ޝެރިފް ރޮބަޓް ލޫނާ ބުނެފައި ވަނީ މިހާތަނަށް 10 މީހަކު މަރުވެފައިވާ ކަމަށް ބެލެވޭ ކަމަށެވެ. ނަމަވެސް ގެތަކުގައި އިތުރު މީހުން މަރުވެފައި ތިބމަކީ އެކަށީގެންވާ ކަމެއް ކަމަށާއި އެކަން ބެލޭނީ އެހިސާބުތަކަށް ވަދެވޭ ގޮތް ވުމުން ކަމަށެވެ.
އޭނާ ބުނެފައި ވަނީ، މުޅި ސަރަހައްދަށް އެޓޮމިކް ބޮމެއް ވައްޓާލާފަ އޮތްހެން ހީވާ ކަމަށެވެ. އޭނާ އެ އިޝާރާތް ކުރީ އެމެރިކާއިން ހިންގި ހިރޮޝީމާއާއި ނަގަޒާކީގެ ހަނގުރާމައިގެ ޖަރީމާއަށެވެ. މަދަނީންގެ އާބާދީއަކަށް އެންމެ ފުރަތަމަ ނިއުކްލިއަރ ބޮމެއް ވައްޓާލައި ހަނގުރާމައިގެ ޖަރީމާއެއް ހިންގީ އެމެރިކާއިންނެވެ.
"މި ސަރަހައްދުތަކަށް އެޓޮމިކް ބޮމެއް ވައްޓާލައިފަ އޮތް ހެން ހީވަނީ. އަހަރެން އުއްމީދެއް ނުކުރަން މި ތަންތަނަށް ވަދެ ބެލުމުން ހިތްހަމަޖެހޭ ފަދަ ޚަބަރެއް ލިބޭނެ ކަމަކަށް." މީހުން މަރުވެފައިވާނެ ކަމަށް އިޝާރާތް ކުރަމުން އޭނާ ބުންޏެވެ.
ކެލިފޯނިޔާގައި ރޯވެ އަނދަމުންދާ އަލިފާންގަނޑު ބައެއް ސަރަހައްދުތަކުގައި ކޮންމެވެސް ވަރަކަށް ކޮންޓްރޯލު ކުރެވިފައި ވެއެވެ. ސިޓީގެ ހުޅަނގު ފަރާތުގައި ސެންޓާ މޮނިކާ އާއި މަލިބޫއާ ދެމެދު އޮންނަ ޕެލިސޭޑްސްގައި ރޯވި އަލިފާންގަނޑާއި އިރުމަތީގައި ޕެސެޑީނާ ކައިރީގައި އީޓަން އަލިފާންގަނޑު ވަނީ މުޅި ސަރަހައްދު އެއްކޮށް ބިމާ ހަމަކޮށްލާފައެވެ.
އެމެރިކާގެ ރައީސް ބައިޑެން ވިދާޅުވީ، އެމެރިކާއާކީ އެންމެ ބާރުގަދަ ގައުމު ކަމަށެވެ!
އެ ވާހަކައަށް ދެ ދުވަސްފަހުން އެމެރިކާއަށް ލައިގަތީ މިލްޓަން ޠޫފާނެވެ!
އެމެރިކާގެ މުންތޚަބް ރައީސް ޓްރަމްޕް ވިދާޅުވީ ހަނގުރާމައިގެ އަސީރުން މިނިވަން ނުކޮށްފިނަމަ ޣައްޒާ ޖަހަންނަމައަކަށް ބަދަލުކޮށްލާނެ ކަމަށެވެ.
އޭނާ މަގާމުގެ ހުވައި ކުރުމުގެ 15 ދުވަސް ކުރިން ދުނިޔޭގެ އެންމެ މުއްސަނދިން އަދި ހޮލީވުޑްގެ ފިލްމުތަކުން ދުނިޔެއަށް ނުފޫޒުފޯރުވާ މީހުންގެ އާބާދީ އެއްކޮށް ބިކަވެ، އެންމެނަށް ޖެހުނީ ސޯޓުލައިގެން މާޔޫސްކަމާއެކު ޓީވީ ބަލަން ތިބޭށެވެ!
އަމިއްލަ ފޯކަސްޓަރު އެކިއުވެދަރ އިން ލަފާކުރި ގޮތުގައި ފެންނަން ހުރި ގެއްލުންތަކަށް ބަލާއިރު މި އަލިފާނުގެ ކާރިސާގައި، އިގްތިސާދީ ގެއްލުން 135 ބިލިއަން ޑޮލަރާއި 150 ބިލިއަން ޑޮލަރާ ދެމެދުގެ އަދަދަކަށް އަރާނެ އެވެ.
މިތަންތާނގައި ދިރިއުޅޭ ގިނަ މީހުންގެ ގެތަކުގެ އިންޝޫރެންސްގެ މުއްދަތު ވަނީ ހަމަވެފައެވެ.
އެމެރިކާގެ ރައީސް ޖޯ ބައިޑަން ވަނީ ކާރިސާ ހާލަތު އެ ސަރަހައްދަށް އިއުލާން ކުރައްވާފައެވެ.
އޭނާ ވަނީ، ކުރިއަށް އޮތް 180 ދުވަހުގެ ތެރޭގައި އެތަންތަން ސާފުކޮށްދިނުމުގެ ޚަރަދު ސަރުކާރުން ހަމަޖައްސައި ދޭނެ ކަމަށް ބުނެފައެވެ. އަދި އެ މުއްދަތަށް މީހުންގެ ކުލި ހަމަޖައްސައި ދޭނެ ކަމަށާއި، އަލިފާން ނިންވުމުގެ މަސައްކަތުގައި އުޅޭ މީހުންގެ މުސާރަވެސް ހަމަޖައްސައިދޭނެ ކަމަށް ބުނެފައެވެ.
