އެމެރިކާއިން އަމިއްލަ ރައްޔިތުންނާ ދެކޮޅަށް ގަތުލުއާންމާއި ހުޅުޖެހުމުގެ ޖަރީމާތައް ހިންގާ ކަން އައު ރިޕޯޓެއްގައި ސާބިތތު ވެއްޖެއވެ.
އެމެރިކާގެ ޑިޕާޓްމަންޓް އޮފް ޖަސްޓިސް އިން އިއްޔެ ހުކުރު ދުވަހު އާންމުކުރި ރިޕޯޓެއްގައިވާ ގޮތުން 1921 ވަނަ އަހަރު އޮކްލަހޯމާގެ ޓުލްސާގައި ހިނގި ނަސްލީ ހަމަނުޖެހުމާއި ގަތުލުއާންމުގެ ތެރޭގައި ހިންގި ހުޅުޖެހުމާއި މީހުން މަރާލުމުގައި ފުލުހުން ވަނީ ބައިވެރި ވެފައެވެ.
ރައީސް ޖޯ ބައިޑަންގެ ވެރިކަމުގެ އެންމެ ފަހު ދުވަސްތަކުގައި އާންމު ކޮށްފައިވާ މި ރިޕޯޓަކީ ގަތުލުއާންމުން ސަލާމަތްވި މީހުންނާއި އެމީހުންގެ ދަރިފަސްކޮޅުގެ މީހުންނާއި އަދި މަދަނީ ހައްގުތަކާ ބެހޭ ޖަމާއަތްތަކުން ދިގު ޒަމާންތަކެއް ވަންދެން ހާމަ ކުރުމަށް ބަރުއަޅައި ވަކާލާތު ކުރި ރިޕޯޓެކެވެ.
ކަޅު ނަސްލުގެ 300 މީހުންގެ ގަތުލުއާންމެއް ހިންގާފައިވާ 2 ދުވަހުގެ މި ޖަރީމާގައި ބައިވެރިވި އެއްވެސް މީހެއްގެ ޝަރީއަތް ކުރެވެން ނެތް ކަމަށް ޖަސްޓިސް ޑިޕާޓްމަންޓުން ބުނެފައި ވެއެވެލ އަދި ޝަރީއަތް ކުރާނަމަ އެ ކަމުގައި ބައިވެރިވި އެންމެ ހަގު މީހާގެ އުމުރުވެސް މިހާރު އުޅޭނީ 115 އަހަރުގައި ކަމަށް ބުނެފައި ވެއެވެ.
