ލޮސް އެންޖެލިސްގައި އަނދަމުންދާ ސަރަހައްދަކީ، ރާއްޖޭގެ ހިކިފަސް ސަރަހައްދުގެ ދެބައިކުޅަ އެއްބަޔާ އެއް ވަރުގެ ސަރަހައްދެކެވެ.
މި އަލިފާންގަނޑު ނިއްވާލުމުގައި 12،000 ފަޔާ ފައިޓަރުންނާއި 1،150 ފަޔާ އިންޖީނާއި 60 މަތިންދާބޯޓާއި 143 ފެން ޓޭންކަރު އަވަދިނެތި މަސައްކަތް ކުރަމުންދާއިރު އަދިވެސް މާބޮޑު ކާމިޔާބީއެއް ނުލިބެއެވެ.
ގަދަ ވައިރޯޅިތަކުގެ ސަބަބުން ހަ ވަނަ ސަރަހައްދެއްގައި އަލިފާން ރޯވެފައި ވެއެވެ.
ނާސާއިން ވަނީ އެ ފަނާކުރަނިވި އަލިފާނުގެ ހާދިސާގެ ސެޓެލައިޓް ފޮޓޯ އާންމުކޮށްފައެވެ.
އަލިފާން ނިއްވުމުގެ މަސައްކަތަށް ހުރަސް އެޅިފައި ވަނީ، ހައިޑްރެންޓްތަކަށް ފެން ނުލިބުމުގެ ސަބަބުން ނެވެ. އަދި އަނދާފައިވާ ސަރަހައްދުތަކުގައި ލޫޓުވާލުމުގެ އަމަލުތައް އާންމު ވެފައިވާއިރު، އެކަމުގައި ބައިވެރިވި 20 މީހަކު ހައްޔަރު ކޮށްފައި ވެއެވެ.
ގެދޮރު ގެއްލިފައިވާ މީހުންނަށް ހާއްސަކޮށްގެން ނުވަ ރެފިއުޖީ ކޭމްޕެއް ގާއިމްކޮށް ދީފައި ވެއެވެ.
