އަމީނީމަގު އަމީނީމަގު މާފަންނު ސްޓޭޑިއަމް ސަރަހައްދުގައި ތާރު އަޅާފައިވާ ހިސާބަށް ގެއްލުންވެފައިވާތީ، އެސަރަހައްދުގެ ތާރުގަނޑު ރަނގަޅު ކުރުމުގެ މަސައްކަތް ރޯޑް ޑިވެލޮޕްމަންޓް ކޯޕަރޭޝަން (އާރުޑީސީ) އިން މިއަދު ފަށައިފިއެވެ.
އެމްޑީޕީ ސަރުކާރުން 2023 ވަނަ އަހަރު 80 މިލިޔަން ރުފިޔާ ޚަރަދުކޮށްގެން ހެދި އަމީނީމަގުގެ ތާރުގަނޑު ސްޓޭޑިއަމްއާއި ހިސާބުން ވަރަށް ބޮޑަށް ހަލާކުވުމުގެ ސަބަބުން އެ މަގުން ދުއްވާ ތަކެއްޗަށް ވަރަށް ބޮޑަށް ދަތި އުނދަގޫތައް ކުރިމަތިވެ އާންމު ރައްޔިތުންގެ ޝަކުވާ ބޮޑުވެފައި ވަނިކޮށެވެ.
އަމީނީމަގު މަރާމާތު ކުރުމުގެ މަސައްކަތާ ގުޅިގެން ގުޅިގެން މިއަދުން ފެށިގެން މި މަސައްކަތް ނިމެންދެން މި ސަރަހައްދު ދުއްވާ ތަކެއްޗަށް ބަންދުވާނެއެވެ. މަސައްކަތް ނިންމާލެވޭނެ ކަމަށް ވަކި ތާރިހެއް އާރުޑީސީއިން އަދި ހާމަކޮށްފައެއް ނުވެއެވެ.
