ދުނިޔޭގެ އެންމެ މީރު 100 ޑިޝް ހޮވައިފިއެވެ. ޓޭސްޓް އެޓްލަސް އިން ހޮވާފައިވާ ލިސްޓުގައި 100 ވަނާގައި އޮތީ އިންޑިއާގެ ކީމާ ޑިޝްއެވެ. މިލިސްޓަށް އަރާފައިވާ އިންޑިއާގެ މަދު ޑިޝްތަކުގެ ތެރޭގައި، 97 ވަނާގައި އޮތް ޗިކަން 65އާއި، 31 ވަނާގައި އޮތް ހައިދަރްއާބާދީ ބިރިޔާނީއާއި، 29 ވަނާގައި އޮތް މުރުގު މަކްނީ ހިމެނެއެވެ.
މި ސަރަހައްދުގައި ދެން ހޮވިފައިވާ ޑިޝްއަކީ، ޕާކިސްތާނުން ހޮވާފައިވާ، 43 ވަނާގައި އޮތް މުރުގު ކަޅާއީ އެވެ.
މަތީ ވަނާގައި އިޓަލީއާއި ތުރުކީން ގިނަ ޑިޝްތަކެއް ހޮވިފައި ވެއެވެ.
ދުނިޔޭގެ ދެވަނާގައި ހޮވިފައި ވަނީ، އިޓަލީގެ ނެޕޮލިޓާނާ ޕިއްޒާއެވެ. އަދި އިޓަލީގެ ކާބޮނާރާވެސް 45 ވަނާގައި ހޮވިފައި ވެއެވެ.
އަރްމީނިއާއާއި ޖޯޖިޔާގެ މަޝްހޫރު ޑިޝްއެއް ކަމަށްވާ ކަޗަޕޫރީ ހޮވިފައި ވަނީ 45 ވަނާގައެވެ.
ޗައިނެ ޝެޒުވާން ހޮޓްޕޮޓްއާއި ތައިވާންގެ ހޮޓްޕޮޓްވެސް ލިސްޓުގައި ހމެނިފައި ވެއެވެ.
އިންޑޮނޭޝިއާގެ ރެންޑާންގް ހޮވިފައި ވަނީ 67 ވަނާގައެވެ.
ދުނިޔޭގެ އެއްވަނަ ޑިޝްއަކަށް ހޮވިފައި ވަނީ، އޫރުގެ އެތެރޭގެ ސާމާނުތައް ނަގައިގެން އެތެރެއަށް ބަތް އަޅައިގެން ބޮޑެތި ވަލީމާތަކަށް ކޮލޮމްބިއާގައި ކައްކާ ލެކޯނާ ނަމަކަށް ކިޔާ ޑިޝް އެކެވެ. މިއީ 800 އެއްހައި މީހުންނަށް ކެވޭ ގޮތަށް ވަރަށް ގިނައިރުން ތައްޔާރު ކުރާ ޑިޝް އެކެވެ.
