އޭޝިއަން ކަޕް ކޮލިފިކޭޝަން ފެށުމުގެ ކުރިން ރާއްޖެއާއެކު އެކުވެރިކަމުގެ މެޗެއް ކުޅޭނެކަން އިއުލާނުކޮށްފިއެވެ.
އިންޑިޔާގެ ފުޓްބޯޅަ ފެޑެރޭޝަނުގެ އޮފިޝަލުންނާ ހަވާލާދީ އެގައުމުގެ ނޫސްތަކުން ބުނެފައި ވަނީ ރާއްޖެއާ ދެކޮޅަށް އެކުވެރިކަމުގެ މެޗް ކުޅެން ބޭނުން ވަނީ މާރިޗް މަހުގެ ތެރޭގައެވެ.
މިމެޗާ ގުޅޭ ގޮތުން އެފްއޭއެމްގެ ބަހެއް ހޯދުމަށް "ހަލިނިއުސް" އިން ކުރި މަސައްކަތަށް އެފްއޭއެމްގެ ފަރާތުން ޖަވާބެއް ނުލިބެއެވެ.
އޭޝިޔަން ކަޕް 2027 ގެ ކޮލިފައިންގައި ރާއްޖެ ހިމެނީ ގްރޫޕް "އޭ" ގައެވެ. މި ގްރޫޕުގައި ދެން ހިމެނެނީ ތަޖަކިސްތާނާއި ފިލިޕީންސް އަދި އީސްޓިމޯއެވެ. ރާއްޖެ ކުޅޭ ފުރަތަމަ މެޗުގައި މާރިޗް 25 ވަނަ ދުވަހު ބައްދަލު ކުރާނީ ފިލިޕީންސާއެވެ. ދެވަނަ މެޗުގައި މާރިޗް 31 ވަނަ ދުވަހު ނިކުންނާނީ އީސްޓިމޯރާ ދެކޮޅަށެވެ. ތަޖަކިސްތާނާ ދެކޮޅަށް ކުޅޭނީ އޮކްޓޫބަރު 14 ވަނަ ދުވަހުއެވެ.
ކޮލިފައިންގައި އިންޑިޔާ ހިމެނެނީ ބަންގްލަދޭޝް އާއި ސިންގަޕޫރު އަދި ހޮންކޮންގާއެކު ގްރޫޕް "ސީ" ގައެވެ.
