ފެނަަކަ ކޯޕަރޭޝަން ލިމިޓެޑުގެ ޑެޕިއުޓީ މެނޭޖިންގ ޑިރެކްޓަރުގެ މަގާމުގައި ހުންނެވި ހުސައިން ޒުހުރީ އެ މަގާމުން މިއަދު އިސްތިއުފާ ދެއްވައިފިއެވެ.
ޑީއެމްޑީގެ މަގާމުން ޒުހުރީ އިސްތިއުފާ ދެއްވި ސަބަބު މިހާތަނަށް ހާމަކޮށްފައެއް ނުވެއެވެ.
ފެނަކައިން މިއަދު ސޯޝަލް މީޑިއާގައި ކުރި ޕޯސްޓެއްގައި ބުނީ ފާއިތުވި ތަނުގައި ޑީއެމްޑީގެ މަގާމުގައި ހުންނަވައިގެން އެ ކުންފުންޏަށް ޒުހުރީ ކޮށްދެއްވި ޚިދުމަތަށް ޝުކުރު އަދާކުރާ ކަމަށެވެ.
ފެނަކަ ކުންފުނީގެ ޑީއެމްޑީގެ މަގާމުން ޒުހުރީ އިސްތިއުފާ ދެއްވާފައި މިވަނީ، މިދިޔަ ނޮވެމްބަރު މަހުގެ 23 ވަނަ ދުވަހު ފެނަކައިގެ މެނޭޖިންގ ޑިރެކްޓަރުގެ މަގާމުން މުއާޒު މުހައްމަދު ރަޝީދު އިސްތިއުފާ ދެއްވާފައި ވަނިކޮށެވެ.
