އުރުގުއޭގެ ކުރީގެ ރައީސް ހޯސޭ މުޖިކާ އަކީ ދުނިޔޭގެ އެންމެ ފަގީރު ރައީސްގެ ލަގަބު ހޯއްދަވާފައިވާ ރައީސެވެ. އުމުރުން 90 އަހަރުގެ ހޯސޭ ވަނީ، ކެންސަރުގެ އާލާސްކަންފުޅުގެ ފަހު ސްޓޭޖުގައި އޮންނެވި ކަން އިއުލާން ކުރައްވާފައެވެ. މިއަދު އޭނާ އިއުލާން ކުރެއްވިގޮތުގައި ކެންސަރު އޭނާގެ ފުރަމޭއަށް ފެތުރިފައިވެއެވެ.
ދުނިޔޭގެ އެންމެ ފަގީރު ރައީސްގެ ލަގަބު ހޯއްދަވާފައިވާ ހޯސޭ، ވެރިކަމުގައި ހުންނެވި އިރުވެސް އުޅުއްވީ ވަރަށް ސާދާ ދިރިއުޅުއްވުމެކެވެ. އަދި ވެރިކަމުގައި އެއް ގޮތަކަށްވެސް ކަމިޝަން ނަންގަވާފައެއް ނުވެއެވެ.
ރައީސަކަށް ހުންނެވިއިރު އޭނާގެ މުސާރައިގެ 90 ޕަސެންޓު ހޭދަކުރެއްވީ ފަގީރުންނާ އެހީވާ ޖަމުއިއްޔާތަކަށާއި އަލަށް ވިޔަފާރި ފަށާ ފަރާތްތަކަށް ހިތްވަރު ދެއްވުމަށެވެ.
އަދި ވެރިކަމުގައިވެސް އޭނާ ބޭނުން ކުރެއްވީ ކުރިން ބޭނުން ކުރެއްވި ކާރެވެ. އަދި އުޅުއްވީވެސް ކުރިން އުޅުއްވި ގޭގައެވެ.
އޭނާ ވަނީ އޭނާ އަވަހާރަވުމަށްފަހު އޭނާ އަބަދުވެސް ދިރިއުޅުއްވި ގޭގެ ގޯތީގައި އޭނާ ފަސްދާނު ލައިދިނުމަށް އެދިވަޑައިގެންފައެވެ.
