ޗައިނާ ކޯސްޓްގާޑް ބޯޓެއް ގަވާއިދާ ހިލާފަށް ފިލިޕީންސްގެ އެކްސްކްލޫސިވް އިކޮނޮމިކް ޒޯން (އީއީޒެޑް) ގެ ތެރޭގައި ހަރަކާތްތެރިވާތާ މިހާރު 4 ދުވަސް ވެއްޖެއެވެ. ފިލިޕީންސްގެ ކޯސްޓުގާޑުން ބުނިގޮތުގައި އެފަރާތުން ދަނީ "ފާރުވެރިކަމާއެކު" މި ބޯޓުގެ ހަރަކާތްތައް މޮނިޓަރ ކުރަމުންނެވެ.
ފިލިޕީންސްގެ ކޯސްޓްގާޑުގެ ތަރުޖަމާން ވިދާޅުވީ މި ބޯޓުގެ ބިޔަކަމުން، ފިލިޕީންސްގެ ކޯޓުގާޑުން ދަނީ ޒަމްބަލޭސް ކަނޑުގައި ބޯޓާ 60-70 ނޯޓިކަލް މޭލު ދުރުން ބަލަމުންނެވެ.
އޭނާ ވިދާޅުވީ ފިލިޕީންސްގެ ކޯސްޓްގާޑުން "ޗައިނާއަށް އިސްތިގުލާލީ ހައްގުތައް އަރައި ގަތުމަށް ފުރުސަތެއް ނުދޭނެ" ކަމަށެވެ.
ފިލިޕީންސް ކަނޑުގައި، އެގައުމުގެ ކޯސްޓްގާޑު އުޅަނދުތަކާއި މަތިންދާބޯޓުތަކާއި ނޯތަން ލުޒޯން ކޮމާންޑާއި އޭރިއާ ޓާސްކް ފޯސްއާއި ނޯތު އަދި ވެސްޓާން ސަރަހއްދުގެ ނޭޝަނަލް ޓާސްކް ފޯސް ގެ އެސެޓްތަކުންވެސް މި ބޯޓަށް ފާރަލަމުންދާ ކަމަށް ވިދާޅުވިއެވެ.
