ތުރުކީގެ ޕާލަމެންޓްގެ އަންހެން މެމްބަރަކު، ތުރުކީ ރައީސް ރަޖަބު އެރުދުޣާންގެ އަތަށް ބޮސް ދިން މައްސަލާގައި މީސްމީޑިއާގައި މީހުން ވަނީ ނުރުހުން ފާޅުކޮށްފައެވެ. މީހުން ބުނެފައި ވަނީ ދީނީ ކުލަވަރު ދައްކަވާ އެރުދުޣާން ހިލޭ އަންހެނަކަށް އޭނާގެ އަތަށް ބޮސްދޭން ފުރުސަތު ދެއްވީ ކީއްވެގެން ހެއްޔެވެ؟
ތުރުކީގެ ހުޅަނގު ސިޓީގައި އެރުދުޣާންގެ ޖަސްޓިސް އެންޑް ޑިވެލޮޕްމަންޓް ޕާޓީން ބޭއްވި ސަރަހައްދީ ކޮންފަރެންސް ބާއްވާ އިރު އާދަވެގެން އެރުދުޣާން ކުޑަކުދިންނަށް ހަދިޔާ ބައްސަވައެވެ. މިފަހަރުވެސް އޭނާ ހަދިޔާ ބެއްސެވުމުގެ ތެރޭގައި އޭނާގެ ޕާޓީގެ މެމްބަރު އުމުރުން 40 އަހަރުގެ ސަދާ ސާރިބާޝް އެރުދުޣާންގެ އަތަށް ބޮސް ދިނެވެ. އަދި އެހެން ކުދިންނަށް ދެއްވި ގޮތަށް އެމްޕީއަށްވެސް 200 ލީރާގެ ހަދިޔާއެއް ދެއްވި އެވެ.
މީސްމީޑިއާގައި މީހުން ބުނެފައި ބޮސްދިނުމާއި އަދި އެމްޕީއަކު 200 ލީރާގެ ޓިޕެއް ބަލައި ގަތުމަކީވެސް އާންމު މިންގަނޑުން ގަބޫލުކުރަން އުދަނގޫ ކަންކަން ކަމަށެވެ.
ސަރިބާޝްއަކީ، 2006 ވަނަ އަހަރުގެ މިސް ތުރުކީ އެވެ.
ފަހުން، އޭނާގެ މައިންބަފައިންނެކޭ އެއްފަދައިން، ސިޔާސީ ދާއިރާއަށް ވަނުމަށް ނިންމީއެވެ.
