ސްޕެނިޝް ސުޕަރ ކަޕް ފައިނަލުގައި ރޭ ބާސެލޯނާއާ ދެކޮޅަށް ފުރަތަމަ ހާފުގައި ރެއާލް ކުޅުންތެރިން ކުޅުނީ ފުޓްބޯޅަ ނޫންކަމަށް އެޓީމުގެ ކޯޗް ކާލޯ އަންޗެލެއްޓީ ކުޅުންތެރިންނަށް ވަރަށް ބޮޑަށް ފާޑު ކިޔައިފިއެވެ.
މެޗުގެ ކުރީކޮޅު ކިލިއަން އެމްބައްޕޭ ލަނޑެއް ޖަހައި ރެއާލްއަށް ލީޑް ނަގައިދިނެވެ. އެކަމަކު ފުރަތަމަ ހާފް ބާސެލޯނާއިން ނިންމާލީ ފަހަތުން އަރައި 4 ލަނޑު ޖަހައިގެންނެވެ.
"އަހަންނަކަށް ނުފެނުނު ރެއާލް ކުޅުންތެރިން ފުރަތަމަ ހާފުގައި ބޯޅަ ކުޅުނުތަނެއް" ވަރަށް ބޮޑަށް ހިތްހަމަނުޖެހިފައި ހުރެ އަންޗެލޮއްޓީ ބުންޏެވެ.
އަންޗެލޮއްޓީ ބުނީ 5-2 ގެ ތަފާތުބޮޑު ނަތީޖާއަކުން ބަލިވުމުން ވަރަށް ބޮޑަށް ދެރަވެ، ހިތްދަތިވެފައި ހުރި ކަމަށެވެ.
"ބާސެލޯނާ ކީޕަރަށް ރަތްކާޑު ދެއްކި ހިސާބުން، ފަހަތުން އަރައި އެއްވަރުކުރެވޭނެ ކަމަށްވެސް އުއްމީދުކުރެވުނު" ތަރިންގެ މައްޗަށް ބިނާވެފައި އޮތް ރެއާލްގެ ކޯޗް އަންޗެލޮއްޓީ ބުންޏެވެ.
