އެމެރިކާގައި އިންޑިއާ ދަރިކޮޅުގެ 4.5 މިލިއަނަށް ވުރެ ގިނަ މީހުން އާބާދީއެއް އޮވެއެވެ. އިންޑިއާގެ ނަސްލުގެ މީހުން ވެފައި ވަނީ އެމެރިކާގއި އެންމެ ކާމިޔާބު އެއް ހިޖުރަވެރިންގެ ޖަމާއަތަށެވެ.
މިމީހުންނަކީ، ޓެކްނޮލޮޖީ، މެޑިސިން، އެކަޑަމީ، އަދި އާޓްސް ފަދަ ދާއިރާތަކުން މަތީ މަގާމުތައް ހޯދާފައިވާ ބަޔެކެވެ. އެމީހުންގެ ކާމިޔާބީގެ ސިއްރު ޚުލާސާ ކޮށްލެވެނީ ދެ ކަމަކުންނެވެ. ތައުލީމަށް އިސްކަން ދިނުމާއި، ސްޓެމް އެޑިއުކޭޝަނަށް ސަމާލުކަން ދިނުމެވެ.
ސްޓެމް އެޑިއުކޭޝަނަކީ: ސައިންސާއި ޓެކްނޮލޮޖީއާއި އިންޖިނިއަރިންގއާއި މެތެމެޓިކްސްގެ ދާއިރާއިން ތައުލީމަށް މުހިންމުކަން ދިނުމެވެ.
އިތުރަށް ކިޔާލުމަށް:
މީހުން ބިނާ ކުރުމަށް ސްޓެމް އެޑިއުކޭޝަނަށް ސަމާލުކަން ނުދޭންވީ ކީއްވެ؟
އެހެންވެ، އެދާއިރާތަކުގެ މަތި ފަޑީގައި އިންޑިއާ މީހުން ތިބޭތަން ފެންނާނެއެވެ. އަދި އިންޑިއާގައި ފުރަތަމަ ޑިގްރީ ހާސިލުކުރުމަށްފަހު ސްޓެމް ދާއިރާތަކުން މަތީ ތައުލީމު ހާސިލުކުރުމަށް އިންޑިއާ މީހުން އެމެރިކާގެ ޔުނިވާސިޓީތަކަށް ވަދެއެވެ. މިހާރު ބޭރުން އެމެރިކާއަށް ކިޔަވަންދާ އެންމެ ގިނަ ދަރިވަރުންނަކީ އިންޑިއާގެ ދަރިވަރުންނެވެ.
އެމެރިކާގެ އެޗް-1ބީ ވިސާ ފަދަ ޕްރޮގްރާމްތަކާއި އެމެރިކާގެ ޔުނިވާސިޓީތަކުގައި ފާހަގަކޮށްލެވޭ ޕްރޮގްރާމްތަކުން އެމީހުންގެ ތައުލީމީ އަދި ފަންނީ ޙިއްޞާތައް ފާހަގަކޮށްލެވެއެވެ.
ސްޓެމް އެޑިއުކޭޝަންއާއެކު އީޖާދީ ވިސްނުމާއި އައު ވިޔަފާރިތައް ހިންގުމަށް މިމީހުންނަށް ފުރުސަތު ލިބެއެވެ. އެހެންވެ، ވިޔަފާރިވެރިކަމުގެ ރޫހާއެކު އެމީހުން ވެގެން ދަނީ އެމީޙުން މަސައްކަތް ކުރާ ދާއިރާތަކުގައި ޖަމާއަތާއި ގައުމީ އިގްތިސާދު ކުރިއަށް ނަގަހައްޓާ ބަޔެއް ކަމަށެވެ.
އައިބީއެމްއާއި ގޫގުލް އާއި މައިކްރޮސޮފްޓް، އެޑޯބް ފަދަ ބޮޑެތި ކުންފުނިތަކުގެ ވެރިންގެ ގޮތުގައި އިންޑިއާގެ ނަސްލުގެ މީޙުން ފެނުމަކީ އާދައިގެ ކަމެކެވެ. އޭގެ އިތުރުން އެމީހުންގެ ތެރޭން ގިނަ މީހުންނަކީ، ޓްރާންސްފޯމަޓިވް ސްޓާޓްއަޕްތައް އުފައްދައި ދިން ބާނީންނެވެ.
2022 ވަނަ އަހަރު ނެރުނު ރިޕޯޓެއްގައި ވަނީ، އެމެރިކާގެ ބިލިއަން ޑޮލަރުގެ ސްޓާޓްއަޕްތަކުގެ ތެރެއިން %25 އަށްވުރެ ގިނަ ސްޓާޓްއަޕްތަކަކީ އިންޑިއާގެ ނަސްލު މީހުން އެ ސްޓާޓްއަޕްތަކުގެ ބާނީންގެ ގޮތުގައި ފާހަގަ ކުރެވޭ މީހުންނެވެ.
ސިޔާސީ މައިދާނުގައި ނައިބު ރައީސް ކަމަލާ ހެރިސް އާއި ކޮންގްރެސް މެމްބަރުން ކަމަށްވާ ޕްރަމިލާ ޖަޔަޕާލް އާއި ރާޖާ ކްރިޝްނާމޫރްތީ ފަދަ ބޭފުޅުންނަކީވެސް ފާހަގަ ކުރެވޭ ބޭފުޅުންނެވެ.
އެމެރިކާގެ ރައީސް މުންތަޚަބް ޓްރަމްޕްގެ ސަރުކާރުގައިވެސް އިންޑިއާގެ ދަރިކޮޅުގެ މީހުން ފެނިގެން ދާނެއެވެ. އޭގެ ތެރޭގައި، އިންތިޚާބުގައި ވާދަ ކުރި، ވިވެކް ރަމަސްވާމީ އާއި ޓުލްސީ ގަބާޑް ފަދަ މަޝްހޫރު އިންޑިއާ ނަސްލުގެ މީހުން ފެނިގެން ދާނެއެވެ.
ޕްރޮފެޝަނަލް ދާއިރާތަކުގައި ކާމިޔާބު ވުމުގެ އިތުރުން، އިންޑިއާ ނަސްލުގެ މީހުން ވަނީ އެމެރިކާގެ މުޖުތަމައުގައި އެމީހުންގެ ސަގާފަތާއި ފެސްޓިވަލްތަކާއި، ކެއުންތަކާއި، ފަންނުތަކުގެ ތެރެއިން އެމެރިކާގެ ސަގާފަތް މުއްސަނދިކޮށް ދީފައެވެ.
އާޓިފިޝަލް އިންޓެލިޖެންސް އާއި އިއާދަކުރަނިވި ހަކަތަ ފަދަ އުފެދެމުން އަންނަ ދާއިރާތަކުގައިވެސް އިންޑިއާ ނަސްލުގެ މީހުން ވަނީ އެމީޙުންގެ ހަރަކާތްތެރިކަން ދައްކާފައެވެ.
