ބަލޫޗިސްތާނުގެ ކަޗީ ޑިސްޓްރިކްޓްގައި ޖާސޫސީ އޮޕަރޭޝަނެއްގައި ސަލާމަތީ ބާރުތަކުން 27 ޓެރަރިސްޓުން މަރާލާފައިވާ ކަމަށް ޕާކިސްތާން މީޑިއާ ވިންގުން މިއަދު ނެރުނު ބަޔާނެއްގައި ބުނެފި އެވެ.
އިންޓަ ސާވިސަސް ޕަބްލިކް ރިލޭޝަންސް އިން ނެރުނު ބަޔާނެއްގައި ބުނެފައި ވަނީ މި އޮޕަރޭޝަން ހިންގީ ޓެރަރިސްޓުން ފިލައި ތިބި ކަމަށް ރިޕޯޓްކޮށްފައިވާ ކަމުގެ މައުލޫމާތު ލިބިގެންނެވެ.
އެގޮތުން ސިފައިން ޓެރަރިސްޓުން ތިބިތަން ވަށާލައި، އަދި އެއަށްފަހު ދެ ފަރާތްދެމެދު ބަޑީގެ ހަމަލަތައް ބަދަލު ކުރުމަށްފަހު 27 ޓެރަރިސްޓުން ނައްތާލައި ހިސާބު ސިފައިންގެ ބާރުގެ ދަށަށް ގެނައި ކަމަށް ބުންޏެވެ.
މި އޮޕަރޭޝަންގައި ހަތިޔާރާއި ވަޒަނާއި ގޮވާތަކެތި ފޮރުވިފައިވާ ތަނެއް ވެސް ސިފައިން ވަނީ ނައްތާލާފައި ކަމަށް ސިފައިންގެ ބަޔާނުގައި ވެއެވެ.
ޕާކިސްތާނުގައި ބަލޫޗީންނާއި ތަހުރީކޭ ތާލިބާންގެ ޓެރަރިސްޓުންގެ ހަމަލަތައް އިތުރު ވެފައިވާތީ ސިފައިން ވަނީ ޚާއްސަ އޮޕަރޭޝަނެއް ފަށާފައެވެ.
