ފާއިތުވި އަހަރު މާލެ ސިޓީ ޕޮލިހުން 19.2 މިލިއަން ރުފިޔާއަށް ވުރެ ގިނަ އަގުހުރި ތަކެތި ރިކަވަރކޮށްފައިވާކަމަށް މޯލްޑިވްސް ޕޮލިސް ސަރވިސްއިން ހާމަކޮށްފިއެވެ.
މި ތަކެތި ރިކަވަރކޮށްފައިވަނީ މާލެ ސިޓީ ޕޮލިހަށް ހުށަހެޅުނު އެކި މައްސަލަތަކާ ގުޅިގެން ކުރެވުނު މަސައްކަތްތަކުންނެވެ. މާލެ ސިޓީ ޕޮލިހުގެ ތަފާސްހިސާބުތަކުން ދައްކާގޮތުގައި، ފާއިތުވި އަހަރު ޖުމްލަ 1653 އައިޓަމް ރިކަވަރކޮށްފައިވެއެވެ.
މީގެ ތެރޭގައި ހިމެނެނީ:
- - 206 މޯބައިލް ފޯނު (1,983,564.79 ރުފިޔާ)
- - 253 މޮޓޯ ސައިކަލް (11,489,400 ރުފިޔާ)
- - 107 އިލެކްޓްރޯނިކްސް އައިޓަމް (986,843.42 ރުފިޔާ)
- - 333 އެހެނިހެން އައިޓަމް (551,206.62 ރުފިޔާ)
- - 374 މައްސަލައެއްގައި ހިމެނޭ 3,582,837.11 ރުފިޔާގެ ނަގުދު ފައިސާ
- - 380 އެހެނިހެން އައިޓަމް (615,813.56 ރުފިޔާ)
މި ތަފާސްހިސާބުތަކަކީ މާލެ ސިޓީ ޕޮލިހުގައި ހިމެނޭ މާލެ ފްރަންޓްލައިން ޕޮލިސިންގ، ތިލަމާލެ ޕޮލިސް އަދި ޓްރެފިކް ޕޮލިސް އެންޑް ރޯޑް މެނޭޖްމަންޓު ބަހާތަކުގެ މަސައްކަތްތަކުން އެއްކުރެވިފައިވާ މަޢުލޫމާތެވެ.
