މިއަދު ހާމަކޮށްފައިވާ، ކުރިން ސިއްރުކޮށްފައިވާ ޑޮކިއުމެންޓްތަކުން އެނގެނީ ބެކިންހަމް ޕެލަސްގައި ރޫސީވިލާތުން ޖާސޫސެއް އިންދާފައި ހުރިކަމެވެ.
ރާނީ އެލިޒަބަތު ގެ ފޮޓޯގްރާފަރު އަދި އާޓް އެޑްވައިޒަރަކީ ރޫސީންގެ ޖާސޫސެއްކަން ރާނީއަށް އެނގިވަޑައިގަތީ އެމީހާ މަރުމަތީގައި އޮތްވައެވެ.
އެހާތަނަށް އިނގިރޭސި ސަރުކާރުން އެމައުލޫމާތު ރާނީއަށާއި އާންމުނަށް ސިއްރުކޮށްފައި ބޭއްވިއެވެ.
މިއަދު އެމްއައި5 އިން ވަނީ އެ މައުލޫމާތުގެ ސިއްރުކަން ކަނޑުވާލާފައެވެ.
ބަކިންހަމް ޕެލަސްގައި ޝާހީ ފޮޓޯތަކާ ޙަވާލުވެ ހުރި އެންތޮނީ ބްލަންޓު ވަނީ އޭނާ ކޭޖީބީއަށް ޖާސޫސްކޮށްދިން ކަމަށް އެއްބަސްވެފައެވެ. އަދި އޭނާ އިނގިރޭސި ސަރުކާރަށް ދިން މައުލޫމާތުގެ މުގާބިލުގައި އޭނާގެ ވަޒީފާއާއި ޕެންޝަނާއި ލަގަބުތައް ދަމަހައްޓަން އިނގިރޭސި ސަރުކާރުން އެއްބަސްވިއެވެ.
ރާނީ ނުތަނަވަސްވެ ވަޑައިގެންފާނެތީ، މި މައުލޫމާތު ރާނީއަށް ސިއްރު ކޮށްފައި ބޭއްވުމަށްފަހު، ބްލަންޓުގެ މަރުމަތީގައި އެކަން އިނގިރޭސި ޕާލެމެންޓަށް އިއުލާން ކުރެވީ 1979 ވަނަ އަހަރު ބޮޑު ވަޒީރު މާގަރެޓް ތެޗާ އެވެ.
އެއާއެކު، ބްލަންޓަށް ދީފައި އޮތް ލަގަބު އަތުލިއެވެ. ނަމަވެސް އޭނާގެ ޝަރީއަތެއް ނުކުރެއެވެ. ބްލަންޓް މަރުވީ 75 އަހަރުގައި 1983 ވަނަ އަހަރު އެވެ.
