ފެނަކަ ކޯޕަރޭޝަންގެ މެނޭޖިންގ ޑިރެކްޓަރ މޭޖަރ (ރިޓަޔާރޑް) މުޙައްމަދު ނަޖާޙް އަދި ކުންފުނީގެ އިސްވެރިން، އައްޑު ސިޓީގެ މެމްބަރުންނާއި ބައްދަލުކުރައްވައިފިއެވެ.
މި ބައްދަލުވުމުގައި އައްޑޫ ސިޓީ ހިތަދޫ މެދު ދާއިރާގެ މެމްބަރ އަޙްމަދު އަޒާން މަރުޒޫޤު، ހުޅުދޫ ދާއިރާގެ މެމްބަރ މުޙައްމަދު ޝާހިދު، ފޭދޫ އުތުރު ދާއިރާގެ މެމްބަރ އިސްމާޢީލް ނިޒާރު އަދި ހިތަދޫ އުތުރު ދާއިރާގެ މެމްބަރ މުޙައްމަދު ސިނާން ބައިވެރިވަޑައިގެންފައިވެއެވެ. މި ބައްދަލުވުމުގައި އައްޑޫ ސިޓީ އަށް ދިމާވެފައިވާ ކަރަންޓުގެ ޙާލަތާއި ގުޅޭގޮތުން މަޝްވަރާ ކުރެވިފައިވާކަމަށް ފެނަކައިން މަޢުލޫމާތުދީފައިވެއެވެ.
އައްޑޫ ސިޓީގެ ކަރަންޓުގެ ހިދުމަތައް ބުރޫއަރާފައިމިވަނީ އެ ސިޓީގެ ގުޅިފައިވާ ރައްތަކަށް ކަރަންޓު ދިނުމަށް ޤާއިމްކޮށްފައިވާ އައްޑޫ ސީ.ޕީ.އެސްގެ ޖެންސެޓްތަކަށް މައްސަލަ ދިމާވުމުންނެވެ. މި މައްސަލަ ހައްލުކުރުމަށްޓަކައި ޖެންސެޓްތަކަށް ބޭނުންވާ ސްޕެއަރ ޕާޓްސް ހޯދުމުގެ މަސައްކަތް މިހާރު ކުރަމުންދާކަމަށް ފެނަކައިން ވަނީ ވިދާޅުވެފައިއެވެ.
