ކޮރަޕްޝަންގެ ތުހުމަތުގައި ޔޫކޭގެ އެންޓިކޮރަޕްޝަން މިނިސްޓަރ އިސްތިއުފާ ދެއްވައިފިއެވެ. ޓިއުލިޕް ސިއްދީގް 42 އިސްތިއުފާ ދެއްވީ، ބަނގްލަދޭޗްގެ ކުރީގެ ބޮޑު ވަޒީރު ޝެއިޙު ޙަސީނާއާއި އާއިލާއަށް ތުހުމަތު ކުރެވޭ ކޮރަޕްޝަން މައްސަލާގައި އޭނާގެ ނަންވެސް ހިމެނިފައިވާތިއެވެ.
އިނގިރޭސި ވަޒީރުންގެ ސުލޫކީ މައްސަލަ ބަލާ އިދާރާއިން ބުނެފައި ވަނީ އެފަރާތުން ކުރި ތަހުގީގުން ޓިއުލިޕްގެ ފަރާތުން އެއްވެސް ގަވާއިދާ ޚިލާފް ކަމެއް ފާހަގަ ވެފައި ނުވާ ކަމަށާއި އަދި ނާޖާއިޒު މާލީ މުއާމަލާތެއް ކޮށްފައިވާ ތަން ފެންނަން ނެތް ކަމަށެވެ.
ޓިއުލިޕްގެ އިސްތިއުފާ ސިޓިގައި ވަނީ ކުށެއް ކޮށްފައި ނުވާނެ ކަމަށާއި، ނަމަވެސް އިނގިރޭސި ބޮޑު ވަޒީރުގެ ސަރުކާރަށް ހުތުރުވިޔަ ނުދިނުމަށް އިސްތިއުފާ ދެއްވީ ކަމަށެވެ.
