ޑިމޮކްރެޓިކް ރިޕަބްލިކް އޮފް ކޮންގޯ އިން މައުދަން ވަގަށް ނެގިކަމަށް ބުނެ ޗައިނާގެ ތިން ރައްޔިތަކަށް ހަތް އަހަރަށް ޖަލަށް ލުމަށް ހުކުމްކޮށް، 600،000 އެމެރިކާ ޑޮލަރުން ޖުރިމާނާ ކޮށްފިއެވެ.
މި ހުކުމަކީ ކޮންގޯގެ ސަރުކާރުގެ ހުއްދަ ނެތި މައުދަން ކޮނެގެން ނެގުމަށް ޗައިނާ މީހުން މަސައްކަތް ކުރުމުން ކޮށްފައިވާ ޙުކުމެކެވެ. އަދި މއީ ބޭރު ބަޔަކު މައުދަން ކޮނުމަށް ބްރޯކަރުންގެ ގޮތުގައި މަސައްކަތް ކޮށްގެން އިއްވި ފުރަތަމަ ޙުކުމެވެ.
މިމީހުންގެ މައްޗަށް ވަނީ މަކަރާއި ހީލަތާއި މަނީ ލޯންޑަރިން އަދި ލޫޓުވުމުގެ ކުށުގެ ދައުވާ ވެސް ސާބިތުވެފަ އެވެ.
އެމީހުންނަށް ޙުކުމް ކޮށްފައި ވަނީ އިރުމަތީ ސިޓީ ބުކާވޫގައެވެ.ނަމަވެސް އެހެން ޖަލަކަށް އެމީހުން ބަދަލުކުރާނެ ކަމެއް އަދި ސާފެއް ނުވެ އެވެ.
ކޮންގޯގައި ޗައިނާ ރައްޔިތުން ހައްޔަރުކޮށްފައިވަނީ މިދިޔަ ޖެނުއަރީ މަހުގެ ހަތަރު ވަނަ ދުވަހު އެވެ. އެމީހުންގެ އަތުން ގިނަ އަދަދެއްގެ ރަނާއި 400،000 އެމެރިކާ ޑޮލަރުގެ ފައިސާވެސް ހައްޔަރު ކުރިއިރު ފެނިފައި ވެއެވެ.
ޗައިނާ މީހުންގެ ވަކީލުން ބުނެފައި ވަނީ މައްސަލަ އިސްތިއުނާފު ކުރަން ގަސްތުކުރާ ކަމަށެވެ.
