ސްޕޭސްއެކްސް ރޮކެޓެއްގައި އިންޑިއާގެ ޕިކްސެލް ކުންފުނިން 3 ސެޓެލައިޓް މިއަދު ޖައްވަށް ފޮނުވައިފިއެވެ. ކެލިފޯނިޔާއިން ފޮނުވި މި ސެޓެލައިޓްތަކަކީ، ދަނޑުވެރިކަމާއި މައުދަން ނެގުމައި ތިމާވެށި ދިރާސާ ކުރުމަށާއި ޑިފެންސްގެ ދާއިރާއަށް ބޭނުންވާ މަންޒަރުތައް ނަގައި ދޭނެ ސެޓެލައިޓްތަކެވެ.
މަތިން ފޮޓޯތައް ނަގައިދޭ، ދުނިޔޭގެ ސެޓެލައިޓް އިމޭޖިންގެ ވިޔަފާރި 2029 ވަނަ އަހަރު 19 ބިލިއަން ޑޮލަރަށް އަރާނެ ކަމަށް ލަފާކުރެވެއެވެ.
ޕިކްސެލް އިން ރާވާފައި ވަނީ ކުރި މަގުގައި އަދި އިތުރު ސެޓެލައިޓްތައް ފޮނުވާށެވެ. މިއަދު އިންޑިއާގެ ކުންފުނިން ފޮނުވާފައިވާ ސެޓެލައިޓަކީ، އަމިއްލަ ކުންފުންޏަކުން އިސްނަގައިގެން އިންޑިއާގައި މިގޮތަށް ފޮނުވި ފުރަތަމަ ސެޓެލައިޓެވެ.
މި ސެޓެލައިޓްތައް ފޮނުވާފައި ވަނީ، ވެންޑަންބަރގް ސްޕޭސް ފޯސް ބޭސްގައެވެ.
ޕިކްސެލްގެ ބާނީ އަދި ސީއީއޯ އުވައިސް އަހުމަދު ބުނިގޮތުގައި، 2029 ވަނަ އަހަރު ސެޓެލައިޓުން ފޮޓޯނަގައި ދިނުމުގެ ވިޔަފާރި 19 ބިލިއަން ޑޮލަރަށް އަރާނެ ކަމަށް ލަފާކުރެވެއެވެ. އޭނާ ކިޔައިދނ ގޮތުގައި ޕިކްސެލް ކުންފުނިން އޮތީ އިންޑިއާގެ މިނިސްޓްރީ އޮފް އެގްރިކަލްޗާ އާއި އަދި ތެޔޮ ނަގާ ކުންފުނިތައް ފަދަ ގާތްގަނޑަކަށް 65 ކްލައިންޓުންނާއެކު އެއްބަސްވުންތަކެއް ހަދާފައެވެ.
އިންޑިއާއަކީ ދުނިޔޭގެ ޖައްވީ ވިޔަފާރީގައި 2 އިންސައްތަ ޙިއްސާ ކުރާ ޤައުމެކެވެ.
