އެމެރިކާގެ މުންތަޚަބް ރައީސް ޑޮނަލްޑް ޓްރަމްޕުގެ ރަދީފުގައި ފަލަސްޠީނު ނަމަކަށް ކިޔާ މަފްހޫމެއް ނެތް ކަމަށް ޓްރަމްޕްގެ ގާތް މަސްއޫލުވެރިންނާ ހަވާލާދީ އިޒްރޭލުގައި ނިކުންނަ ކަނާތުފިޔައިގެ ނޫހެއް ކަމަށްވާ އިސްރާއީލް ހަޔޯމް އިން ބުނެފިއެވެ. އެފަރާތްތަކާ ޙަވާލާދީ ޔަހޯމް އިން ބުނެފައި ފަނީ ފަލސްޠީނުގެ ދައުލަތެއް ކަމަށް ބުނާ މަފްހޫމަކާ މެދު ޓްރަމްޕްގެ ސަރުކާރުގައި ވާހަކައެއް ނުދެއްކޭނެ ކަމަށެވެ.
އެ ނޫހުން ބުނެފައި ވަނީ، ޓްރަމްޕާ ގާތް ގުޅުމެއް އޮންނަ އެމެރިކާގެ ކްރިސްޓިއަން ޒަޔަނިސްޓް ހަރަކާތުން އިސްނަގައިގެން އިޒްރޭލުގެ ޔަހޫދީންގެ ގްރޫޕަކުން ވަނީ ޓްރަމްޕްގެ މާ އަލާގޯގައި މިމައްސަލާގައި ވާހަކަ ދައްކާ ފައެވެ. އަދި ޓްރަމްޕް ވަނީ އެފަރާތްތަކުން ނުތަނަވަސް ވާންޖެހޭ ފަދަ ކަމެއް ނޯންނާނެ ކަމަށް ވިދާޅުވެޔަގީންކަން ދެއްވާފައެވެ.
މި ސައްލާގެ ބައިވެރިންގެ ތެރޭގައި ހުޅަނގު އައްސޭރީގައި ހިފާފައިވާ ބިންތަކުގައި އާބާދުކޮށްފައިވާ ޒަޔަނިސްޓު ޔަހޫދީންގެ ބަސްތީއެއް ބަލަހައްޓާ ސެޓްލްމަންޓް ލީޑަރުން ހިމެނުނެވެ. އަދި އެއް ސެޓްލްމަންޓުގެ ކައުންސިލްގެ ވެރިޔާ ޔޯސީ ޑަގަން ވެސް ބައިވެރިވި ކަމަށާއި އޭނާއަކީ ރައީސް ޓްރަމްޕްގެ ހުވައި ކުރުމުގެ ރަސްމިއްޔާތުގައި ބައިވެރިވުމަށް ވައިޓް ހައުސްގެ މެހެމާނެއްގެ ގޮތުގައި ވޮޝިންޓަނަށް ގޮސްފައިވާ މީހެއް ކަމަށް ބުނެފައި ވެއެވެ.
ޓްރަމްޕާ ޙަވާލާ ދީ އެމީހާ ބުނެފައި ވަނީ، ސުލްހައަށް ވާސިލްވާ ކޮންމެ ހައްލަކަށް ވެސް ޓްރަމްޕް ތާއީދު ކުރައްވާނެ ކަމަށާއި ނަމަވެސް އެއީ "ދެ ދައުލަތެއް" އުފެއްދުމުގެ ވާހަކައެއް ނޫން ކަމަށް ޓްރަމްޕް ވިދާޅުވި ކަމަށެވެ.
