ބަންޑާރަ ފައިސާއަށް ޚިޔާނާތްތެރިވުމުގެ ދެ މައްސަލައެއް ސާބިތުވުމާ ގުޅިގެން ކުވެއިތުގެ ކުރީގެ ދާޚިލީ ވަޒީރު އަދި ދިފާއީ ވަޒީރު ޝެއިޚް ތަލާލް އަލްޚާލިދު، 14 އަހަރަށް ޖަލަށްލުމަށް ކޯޓުން ޙުކުމް ކޮށްފިއެވެ.
އޭގެ އިތުރުން، 10 މިލިއަން ދީނާރުން ޖޫރިމަނާކޮށް، 20 މިލިއަން ދީނާރު އަނބުރައި ދައުލަތަށް ދެއްކުމަށްވެސް ޙުކުމް ކޮށްފައި ވެއެވެ.
އޭނާގެ އަތުން ގާތްގަނޑަކަށް 100 މިލިއަން ޑޮލަރު ދައުލަތަށް ލިބޭނެއެވެ.
ފުރަތަމަ މައްސަލައިގައި ޖަލު ޙުކުމް އިއްވީ 7 އަހަރަށެވެ. އަދި 500،000 ދީނާރު އަނބުރާ ދިނުމަށްވެސް ޙުކުމް ކުރިއެވެ.
ދެވަނަ މައްސަލައިގައި ވެސް 7 އަހަރުގެ ޖަލު ހުކުމަކާއެކު 19 މިލިއަން ދީނާރު ދެއްކުމަށް ޙުކުމް ކުރިއެވެ.
