މޫސުމާ ބެހޭ އެކްޓިވިސްޓުންނަށް ހެދުން ބޭލުމަށް މަޖުބޫރުކޮށް އެމީހުން ބަރަހަނާކޮށްފައި އުޑަފައިން އިށީދެ ތިބުމަށް ފުލުހުން މަޖުބޫރު ކުރުވި މައްސަލައެއް އިޓަލީވިލާތު ފުލުހުންނާ ދެކޮޅަށް ބަލަން ފަށައިފިއެވެ.
އިޓަލީގެ އުތުރުގެ ސިޓީއެއް ގައި ކްލައިމެޓް އެކްޓިވިސްޓުންގެ 7 އަންހެނަކާ މެދު ފުލުހުން އިހާނެތިކޮށް ހިތި މައްސަލަ ބަލަން އިޓަލީގެ އިންޓީރިއާ މިނިސްޓަރު ވަނީ އަންގަވާފައެވެ.
މިމީހުން މުޒާހަރާ ކޮށްފައި ވަނީ އިޒްރޭލަށް ހަތިޔާރު ސަޕްލައި ކުރާ އިޓަލީގެ އެއާސްޕޭސް އެންޑް ޑިފެންސް ކުންފުނި ލިއޮނާޑޯ ފެކްޓްރީއެއްގެ ބޭރުގައެވެ.
އެކްޓިވިސްޓުން ވަނީ ފުލުހުން އެމީހުންނާ މެދު އިހާނެތިކޮށް މުއާމަލާތު ކުރާ މަންޒަރު ދައްކައިދޭ ވީޑިއޯއެއްވެސް އޮންލައިންކޮށް ޝާއިއުކޮށްފައެވެ. ނަމަވެސް ފުލުހުން ބުނެފައި ވަނީ ގޯހެއް ހަދާފައި ނުވާނެ ކަމަށެވެ. އަދި އެކްޓިވިސްޓުން އޮރިޔާން ކުރީ، އެމީހުންނަކީ ކޮންބައެއް ކަން ޔަގީން ކުރުމަށް ކަމަށްވެސް ފުލުހުން ބުނެއެވެ!
