ރައީސުލްޖުމްހޫރިއްޔާގެ ވައުދުފުޅާ އެއްގޮތަށް ކުރިއަށް އޮތް ރޯދަމަހު ރާއްޖޭގެ ހުރިހާ ގޭބީސީތަކަށް ބެހެމަށް ހަމަޖެހިފައިވާ މަސްދަޅު ކޭސްތަކުން، ކޮންމެ ދަޅަކުން 40 ގްރާމު އުނިކޮށްފިކަމަށް ބުނެ ފަތުރަމުން ދަނީ ކަނޑައެޅިގެން ދޮގު ކަމަށް މޯލްޑިވްސް އިންޑަސްޓްރިއަލް ފިޝަރީޒް ކޮމްޕެނީ (މިފްކޯ) އިން މިއަދު ހާމަކުރައްވަައިފިއެވެ.
މިފްކޯއިން ވިދާޅުވީ 140 ގްރާމުގެ މަސްދަޅު ބާޒާރަށް ނެރުނީ ކުދި ގޭބީސީތަކަށް އަމާޒުކޮށް، އެއްފަހަރު ބޭނުން ކުރާ އެއްޗެއް ގޮތުގައި ކަމަށެވެ.
"ރައީސްގެ ވައުދުފުޅާ އެއްގޮތަށް ރޯދަޔަށް ގޭބިސީތަކަށް ހިލޭ ބަހާ މަސްދަޅުން 40 ގްރާމް މަސް އުންޏެއް ނުވާނެ. ފަތުރަމުން ދަނީ ދޮގު ވާހަކަތަކެއް. 140g ބާޒާރަށް ނެރުނީ ކުދި ގޭބިސީތަކަށް އަދި އެއްފަހަރު ބޭނުންކުރެވޭ އެއްޗެއްގެ ގޮތުގައި. މަސް ދަޅު ފްރިޖު ކުރުމަކީ ރަނގަޅު ކަމަކަށް ނުވާތީ" މިފްކޯއިން ސޯޝިއަލް މީޑިޔާއަށް ދޫކޮށްލި މެސެޖުގައި ބުނެފައިވެއެވެ.
