އިޒްރޭލުން ވަގަށް ނަގާފައިވާ ފަލަސްޠީނު މީހުން ދޫކުރުމަށާއި ހަނގުރާމަ ހުއްޓާލުމަށް ސޮއިކޮށްފައިވާ އެއްބަސްވުން ތަންފީޒު ކުރުމާ ދެކޮޅަށް ޒަޔަނިސްޓުންގެ ކޯޓަށް ވެއްދި މައްސަލަ ބޭރުކޮށްލައިފިއެވެ.
"ޝަރުއީ ދާއިރާއިން މުރާޖައާ ކުރަން ޖެހޭ އިންތިހާއަށް ހަނި، މި ބާވަތުގެ މައްސަލަތަކަށް ތަދައްޚުލު ކުރުމަކީ އަޅުގަނޑުމެންގެ އިޚުތިސާސެއް ނޫން އަދި ޕްރޮސީޖާގައި އޮންނަ ކަމެއްވެސް ނޫން،" އިޒްރޭލު ހައިކޯޓުގެ ފަނޑިޔާރުން މައްސަލަ ބޭރުކުރަމުން ނިންމި ނިންމުމުގައި ބުނެފައިވެ އެވެ.
ދައުވާގައި އެދިފައި ވަނީ ވަގަށް ނަގާފައިވާ ފަލަސްތީނުގެ މީހުން ދޫކޮށްލުން ހުއްޓުވުމަށް ކޯޓުން ތަދައްޚުލް ވެދިނުމަށެވެ. މި މައްސަލަ ކޯޓަށް ހުށަހެޅުމަށް ލިބެނީ 48 ގަޑިއިރެވެ. މިނިންމުމާއެކު ވަގަށް ނަގާފައިވާ މީހުން ދޫކޮށްލުމަށް ހުރަހެއް ނޯންނާނެއެވެ.
ގުދުސްގައި މި އެއްބަސްވުމާ ދެކޮޅަށާއި އެއްބަސްވުމަށް ސަޕޯޓުކޮށްވެސް މީހުން އިއްޔެ މުޒާހަރާ ކުރިއެވެ.
