އިޒްރޭލު ސިފައިންނަށް ހަނގުރާމަ ހުއްޓާލުމުގެ އެއްބަސްވުމަށް އަމަލު ނުކުރާން ނަތަންޔާހޫ އަންގައިފިއެވެ. މި އެއްބަސްވުމަށް އަމަލު ކުރަން ފެށޭ ގަޑިއަކީ މާލޭ ގަޑިން މިއަދުގެ 11.30 އެވެ.
ޔަހޫދީ ނަތަންޔާހޫ ބުނެފައި ވަނީ އެއްބަސްވުމުގެ ދަށުން ދޫކުރާ ފުރަތަމަ 3 މީހުންގެ ނަން އިޒްރޭލަށް ލިބެން ޖެހޭ ކަމަށެވެ. މުއާހަދާ ބުނާ ގޮތުން 24 ގަޑި އިރު ކުރިން ނުވަތަ ފެށުމުގެ 24 ގަޑިރު ތެރޭގައި އެ ނަންތައް އިޒްރޭލަށް ދޭން ޖެހެއެވެ.
ފަލަސްޠީނުގެ މިނިވަންކަމަށް ހަނގުރާމަ ކުރާ ހަމާސްއިން ބުނެފައި ވަނީ މުއާހަދާއަށް އަމަލު ކުރުން މަތީގައި ދެމިއޮތް ކަމަށެވެ.
ނަމަވެސް ނަން ދޭން ޖެހޭ 24 މީހުންގެ ތެރޭން ފުރަތަމަ 3 މީހުން ނަން ނުދެވިގެން އުޅެނީ "ޓެކްނިކަލް މައްސަލައެއް" ދިމާވެގެން ކަމަށެވެ.
