ގަތުލުއާންމު ހުއްޓާލުމަށް އެއްބަސްވެގެން އިޒްރޭލުން ސޮއިކޮށްފައިވާ އެއްބަސްވުމާ އެއްގޮތަށް އިޒްރޭލުން އަމަލު ނުކުރާކަމަށް ފަލަސްޠީނުގެ މިނިވަންކަމަށް ހަނގުރާމަ ކުރަމުންދާ އިސްލާމީ ހަމާސް ޖަމާޢާތުން ބުނެފިއެވެ.
ހަނގުރާމައިގެ ޖަރީމާތަކާއި ޤަތުލުއާންމު ހުއްޓާލުމަށް އިޒްރޭލަށް މަޖުބޫރުކުރާ އެއްބަސްވުމުގެ ދަށުން މިއަދު ޒަޔަނިސްޓު ޔަހޫދީން ވަގަށް ނަގާފައިވާ ފަލަސްޠީނުގެ 90 މީޙުންގެ ނަން ލިސްޓު ހާމަ ކުރަން ޖެއެވެ. މިއަދު ދުވަސް ދެބައިވެ، ހަވީރުއަތަށް އަޅާއިރުވެސް ޒަޔަނިސްޓުން އެ ލިސްޓު ޤަތަރުގެ މެދުވެރިންނަށް ދީފައި ނުވާ ކަމަށް ހަމާސްއިން ބުނެއެވެ.
"ހަނގުރާމަ ހުއްޓާލުމުގެ ފުރަތަމަ ދުވަހު ދޫކޮށްލަން ހަމަޖެހިފައިވާ އަންހެނުންނާއި ކުޑަކުދިންގެ ގިންތީގެ 90 މީހުންގެ ނަން ހިމެނޭ ލިސްޓެއް ގަދަބާރުން ބިންހިފައިގެން އޮތް ބާރުން ހަވާލުކުރާނެ ކަމަށް ބެލެވެނީ،" ހަމާސް އިން ދެންމެ ނެރުނު ބަޔާނުގައިވެ އެވެ.
