ހަމާސްއިން ދައްކާފައިވާ ހިތްވަރަކީ، މިއަދާ ހަމައަށް އަރަބި ލަޝްކަރަށް ދުވަހަކުވެސް ދެއްކުނު ހިތްވަރެއް ނޫނެވެ.
އިސްރާއީލުގެ ވެބްސައިޓް "ކެލްކަލިސްޓް" އިން ނެރުނު ރިޕޯޓެއްގައި ބުނެފައި ވަނީ، ހަމާސްއިން 7 އޮކްޓޯބަރުގައި މިނިވަންކަމުގެ ހަނގުރާމަ ފެށިފަހުން، ދޮޅު އަހަރުގެ ތެރޭގައި، ޒަޔަނިސްޓުންގެ ޚަޒާނާއަށް، 150 ބިލިއަން ޝެކެލް (41.8 ބިލިއަން އެމެރިކާ ޑޮލަރު) ގެ ގެއްލުން ވެފައިވާ ކަމަށެވެ.
ގަތުލުއާންމު ހުއްޓާލާ އެއްބަސްވުމަށް އަމަލުކުރަން ފަށާ ދަނޑިވަޅާ ދިމާކޮށް ނެރެފައިވާ މި ރިޕޯޓުން ދޭހަވަނީ ޙަމާސްއާއި އިސްލާމީ ޖަމާއަތުން ހިންގި މި ހަނގުރާމައަކީ ޒަޔަނިސްޓުން ހިފާފައިވާ ފަލަސްޠީނުގެ ބިމުގައި އިންދިފަހުން، އިޒްރޭލުގެ ތާރީހުގައި ހިނގި އެންމެ ދިގު އަދި އެންމެ އުނދަގޫ ހަނގުރާމަ ކަމަށެވެ.
ހަނގުރާމައިގައި އިގްތިސާދީ ގެއްލުމުގެ އިތުރުން އިޒްރޭލު އެތައް ކުންފުންޏެއް ބަނގުރޫޓުވެ އެތައް ކުންފުންޏެއް ބަންދުކޮށް، އެތައް އިންވެސްޓަރުންނެއް ޔަހޫދުންގެ ގައުމުން ބޭރުވެފައި ވެއެވެ.
ޙަމާސްއިން މިނިވަންކަމަށް ހަނގުރާމަ ފެށި ފަހުން ޒަޔަނިސްޓުންގެ ސިފައިންނަށް ގާތްގަނޑަކަށް 840 ސިފައިން މަރާލާފައި ވެއެވެ. ގާތްގަނޑަކަށް މަހެއްގެ މައްޗަށް އެއްހާސް ސިފައިންގެ ރޭޓުން 15 ހާސް ސިފައިން ޒަޚަމް ވެފައި ވެއެވެ.
ހަނގުރާމަ ފެށުނުއިރު 220،000 އެއްހާ ރިޒާވިސްޓުންނަށް ހަނގުރާމައަށް އައުމަށް އެންގި ނަމަވެސް އައިސްފައި ވަނީ މަދު އަދަދެއްގެ ބައެކެވެ.
އޭގެ އިތުރުން ގިނަ އަދަދެއްގެ ޔަހޫދުން ވަނީ ފޮށި ބަނދެގެން ގައުމު ދޫކޮށް ފިލާފައެވެ.
ޚަރަދުތަކާ ގުޅޭގޮތުން އެ ރިޕޯޓުގައި ފާހަގަކޮށްފައި ވަނީ، ގެއްލުންވި އަދަދުގެ އިތުރުން، ރިޒާވް ސިފައިންގެ މުސާރައާއި މުވައްޒަފުންގެ ޚަރަދުތަކަށް 44 ބިލިއަން ޝެކެލް (12.27 ބިލިއަން ޑޮލަރު) އަށް ވުރެ ގިނަ ފައިސާ އިތުރަށް ހޭދަވި ކަމަށެވެ.
ރިޕޯޓުގައިވާ ގޮތުން ރިޒާވް ސިފައިންނަށް ދީފައި ވަނީ މަހެއްގެ މައްޗަށް 15،000 ޝެކެލް (4،180 ޑޮލަރު) އެވެ. އޭގެ އިތުރުން އެހެން އިނާޔަތްތައް ހިމެނެއެވެ.
ޒަޔަނިސްޓުންގެ އިގްތިސާދު އޮތީ އެއްކޮށް ވަޅު ޖެހިފައެވެ.
ލަފާ ކުރެވޭ ގޮތުގައި ލިބިފައިވާ ގެއްލުމާއި ބަދުނާމާ ހެދި، ގަތުލުއާންމު ނިމުމާއެކު ޔަހޫދުން ނަތަންޔާހޫ ދިރިހުއްޓައި ކާން ދިމާކުރާނެއެވެ.
