އިޒްރޭލުގެ އެންމެ ކަނާތުފިޔައިގެ، އެންމެ ހަރުކަށި، އެންމެ ހައްދުފަހަނައަޅާފައިވާ ފިނޭންސް މިނިސްޓަރު ބެލާޒިލް ސުމޮރިޗް ވަނީ ހަނގުރާމަ ނިމުމުން އިޒްރޭލުން ޣައްޒާގައި އަލުން ގަތުލުއާންމު ހިންގަން ނުފައްޓާނަމަ، ސަރުކާރު ވައްޓާލާނެ ކަމުގެ އިންޒާރު ދީފައެވެ.
ސުމޮރިޗަކީ، ބުރާސްފަތު ދުވަހާއި ހުކުރު ދުވަހު އިޒްރޭލު ކެބިނެޓުން ގަތުލުއާންމު ހުއްޓާލާ އެއްބަސްވުމަށް އާނބަސް ބުނުމާއެކު އަޑުން އަޑުނަގައި ރުއި ވަޒީރުންގެ ތެރޭން އެކެކެވެ.
އިޒްރޭލުގެ ސިފައިންގެ ރޭޑިއޯގައި ވާހަކަ ދައްކަމުން ސްމޮޓްރިޗް ބުނެފައި ވަނީ ސިފައިންގެ ސަރުކާރެއް އެކުލަވާލާއިގެންވެސް ޙަމާސް ބަލި ކުރަން ޖެހޭ ކަމަށެވެ. އޭނާ ބުނެފައި ވަނީ މުޅި ޣައްޒާ އިޒްރޭލަށް ލިބެން ޖެހޭނެ ކަމަށާއި ނޫންނަމަ، ސަރުކާރު ނަތަންގެ ސަރުކާރު ވައްޓާލާނެ ކަމަށެވެ.
އޭނާ އިތުރަށް ބުނެފައި ވަނީ އިޒްރޭލުގެ ސިފައިންގެ ޗީފް އޮފް ސްޓާފް ހެރްޒީ ހަލެވީ އަކީ "ބަލި ކަށި ސްޓްރެޓެޖީއެއް ގެންގުޅޭ މީހެއް" ކަމަށެވެ.
ސްމޮރިޗް މިހެން ވާހަކަ ދެއްކި ނަމަވެސް ޑިޕްލޮމެޓިކް ފަރާތްތަކުން ކުރި މަގަށް ދެކަމެއް ފާހަގަ ކުރެއެވެ.
ފުރަތަމަ ކަމަކީ ގަތުލުއާންމު ހުއްޓާލުމުގެ އެއްބަސްވުން ދެމި ނޯންނާނެ ކަމަށާއި ނަތަންޔާހޫ އެކަމަށް އިހުތިރާމް ނުކުރާނެ ކަމެވެ.
އަދި ދެވަނަ ކަމަކީ މާދަމާ ޓްރަމްޕް ހުވައި ކުރުމަށްފަހު ނަޔަންޔާހޫ މަގާމުން ދުރުކޮށްލުމަށް މަސައްކަތް ފަށައި ޓްރަމްޕާއެކު މަސައްކަތް ކުރާނެ އެހެން ބޮޑު ވަޒީރެއް ހޯދަން އުޅޭނެކަމެވެ.
އިޒްރޭލުގެ ފޮރިން މިނިސްޓަރު ގިޑިއަން ސާރު މިއަދު ނޫސްވެރިންގެ ބައްދަލުވުމުގައި އިންޒާރު ދެމުން ބުނެފައި ވަނީ ޙަމާސްއިން ބާރުވެރިކޮށް ޣައްޒާގައި އޮންނާނެ ކަމަށެވެ. އަދި ޙަމާސް ބާރުވެރިކޮށް އޮތްހައި ހިނދަކު އިޒްރޭލަށް ލޮލު ފިޔައެއް ނުޖެހޭނެ ކަމަށެވެ.
އަޤްޞާ ޠޫފާންގެ މޭސްތިރި، ކޮމާންޑަރު، ޝަހީދު ޔަޙުޔާ ސިންވާރު ވިދާޅުވެފައި ވަނީ، އަޤްޞާ ޠޫފާނަކީ ފެށުމެއް ކަމަށެވެ. މި ހަނގުރާމަގައިގައި އޭނާ ޝަހީދުވިއަސް އެކަމަށް ފަރުވާލެއް ނުބަހައްޓައި އޭނާގެ ގަބުރަކީ ފަލަސްޠީނު މިނިވަން ކުރުމަށް ކުރިއަށް ދިއުމަށް ފާލަމެއްގެ ގޮތުގައި ބޭނުންކުރާ އެއްޗަކަށް ހަދައިގެން ފަލަސްޠީނުގެ މިނިވަން ކަމަށް މަސައްކަތް ކުރާން އޭނާ ވަނީ ވަސިއްޔަތް ކުރައްވާފައެވެ.
