ޙަމާސްގެ މެހުމާންދާރީގައި ގެންގުޅެފައި ދޫކޮށްލާފައިވާ ޔަހޫދީ ޅަބާޅަ ފަތްމިނިތައް ފެނުނީ ވަރަށް ތާޒާކޮށެވެ. 3 އަސީރާއިން ނިކުމެގެން ހިނގާފައި އަންނަ އިރު ހީވަނީ، ގަނޑުވަރެއްގައި އުޅެފައި އައި ބަޔެއް ހެންނެވެ.
ރީއްޗަށް ފުނާއަޅައި އިސްތަށިގަނޑު ވިޔެފައެވެ. ތިއްތި ހެދުމުގައެވެ. އެކަމަކު އެމީހުން ނިކުމެގެން އައީ، ތަކުރާރުކޮށް އެތައް ފަހަރެއްގެ މަތިން ޒަޔަނިސްޓު ޔަހޫދު ޓެރަރިސްޓުން ބޮން އަޅައި ސުންނާފަތި ކޮށްފައިވާ ބަސްތީއަކުންނެވެ.
ދޮޅު އަހަރު ވަންދެން، ޒަޔަނިސްޓު ޓެރަރިސްޓުން ބިރަކާ ނުލައި ހިންގަމުން ގެންދިޔަ ހަނގުރާމައިގެ ޖަރީމާތަކުގައި، އަސީރާއިން ދިރިއުޅުނު ޣައްޒާ އެއްކޮށް ބަނޑަށް ޖެއްސިއެވެ. އެކަމަކުވެސް މިއިން، ޔަހޫދީ ޅަބާޅަ ފަންމިންޏެއްގެ ބަރުދަނުން ގްރާމެއްވެސް އުނިވެފައިވާ ހެނެއް އިހުސާސެއް ނުވެއެވެ. މަދު ކިލޯކޮޅެއް އިތުރުވެދާނެ ކަމަށް ލަފާ ކުރުމަކީ ކުށަކަށް ނުވާނެއެވެ.
އުޅަނދަށް އަރުވާފަ ތިބި އިރު ހީވަނީ ރަހުމަތްތެރި އެކުވެރިންގެ ތެރޭގައި ތިބި ހެންނެވެ. ހެވި ދިލިފައެވެ. މީސްމީޑިއާގައި އެކަކު ބުނެފައި ވަނީ މަށާ ދިމާއަށްވެސް ކުއްޖަކު އެހެން ބަލާލައި ހީލާނެ ނަމައެވެ!
ޙަމާސް އިން ޔަހޫދީ އަސީރުން މި ފެންވަރުގައި ގެންގުޅޭނެ ކަމަށް މީހެއްގެ ޚިޔާލަކަށްވެސް ނާންނާނެއެވެ.
ޚުލްޤު ހެޔޮ ބަޔެކެވެ! މިއީ އަހަރަމެންގެ މި ޒަމާނުގެ ބައެއް ހެއްޔެވެ؟ ޝަހީދު އަޙުމަދު ޔާސީންގެ ދަރިވަރުންކަން ޔަޤީނެވެ!
މި ތިން ފަންމިންޏާ ޚިލާފަށް، ޒަޔަނިސްޓުންގެ ގައިދުން ދޫކޮށްލާ ފަލަސްޠީނު މީހުން ތިބެނީ ކާޑު ބައްޔަށް ގޮސް މީހާ އަނަރޫފަ ވެފައެވެ.
ޙަމާސްއިން މި 3 މީހުން ޙަވާލު ކުރިތާ 7 ގަޑިއިރު ފަހުން މިނިވަން ކުރި ފަލަސްޠީނު ގައިދީންގެ ތެރެއިން އެކަކީ، ޚާލިދާ ޖައްރާރެވެ. އޭނާ ބަލާލުމުން ޒަޔަނިސްޓު ޔަހޫދުންނާއި މުސްލިމުންގެ އަޚުލާޤު އުޑާއި ބިމާހައި ތަފާތުކަން އެނގެއެވެ.
