ބައެއް މިނިސްޓްރީތަކުގެ ނަމާއެކު ޒިންމާތައް ބަދަލުކޮށް، ރައީސުލްޖުމްހޫރިއްޔާ ޑޮކްޓަރ މުހައްމަދު މުއިއްޒު ވަޒީރުންގެ މަޖިލީހަށް ގެންނެވި ބަދަލަށް ރައްޔިތުންގެ މަޖިލީހުން މިއަދު ރުހުން ދީފިއެވެ.
ޒިންމާތައް ބަދަލުކޮށް، ބައެއް މިނިސްޓްރީތަކުގެ ނަން ބަދަލު ކުރުމާއެކު ވަޒީރުންގެ މަޖިލީހަށް ރައީސް ބަދަލު ގެންނެވީ ހައުސިން މިނިސްޓްރީ އާއި ކޮންސްޓްރަކްޝަން މިނިސްޓްރީ އަދި އެންޔަރމަންޓް މިނިސްޓްރީ ހިންގަމުންދިޔަ އިމާރާތް މިދޔަ ޑިސެމްބަރު މަހު އެނދުމާއި ގުޅިގެން، އެ މިނިސްޓްރީތަކުގެ ހިންގުން ދަރުބާރުގެއަށް ބަދަލު ކުރަން މަޖުބޫރުވުމާއި ގުޅިގެންންނެވެ.
ވަޒީރުންގެ މަޖިލީހަށް ގެންނެވި ބަދަލު:
1. މިނިސްޓަރ އޮފް ފިނޭންސް އެންޑް ޕްލޭނިންގ ކަމަށް، ތ. ބުރުނި، ނިވައިދޮށުގެ މޫސާ ޒަމީރު
2. މިނިސްޓަރ އޮފް ހަޔަރ އެޑިޔުކޭޝަން، ލޭބަރ އެންޑް ސްކިލްސް ޑިވެލޮޕްމަންޓް ކަމަށް، މއ. ވެނީލާގެ ޑޮކްޓަރ ޢަލީ ޙައިދަރު އަޙްމަދު
3. މިނިސްޓަރ އޮފް އެގްރިކަލްޗަރ އެންޑް އެނިމަލް ވެލްފެއަރ ކަމަށް، މއ. މާރާދަގެ ޑޮކްޓަރ މަރްޔަމް މާރިޔާ
4. މިނިސްޓަރ އޮފް ކޮންސްޓްރަކްޝަން، ހައުސިންގ އެންޑް އިންފްރާސްޓްރަކްޗަރ ކަމަށް، ގދ. ފިޔޯރީ، ގުލްބަކާގެ، ޑޮކްޓަރ ޢަބްދުالله މުއްޠަލިބް
ވޯޓުގެ ނަތީޖާ:
ވަޒީރު ޒަމީރު: ފެންނަ ކަމަށް 69، ނުފެންކަމަށް 0
ވަޒީރު މުތައްތަލިބް: ފެންނަ ކަމަށް 70، ނުފެންނަ ކަމަށް 0
ވަޒީރު މާރިއާ: ފެންނަކަމަށް 70، ނުފެންނަ ކަމަށް 0
ވަޒީރު ހައިދަރު: ފެންނަކަމަށް 63، ނުފެންނަކަމަށް 6
