ނަތަންޔާހޫ ހައްޔަރު ކުރުމަށް ނެރެފައިވާ އަމުރު ތަންފީޒު ކުރުމަށާއި ހަނގުރާމަ ހުއްޓުމަށް ނަތަންޔާހޫއަށް ބާރު އަޅައި ދިނުމަށް އެދި ހަނގުރާމައިގެ އަސީރު، ނަމްރޫދު ކޯހެންގެ ބައްޕަ ޔެހޫދާ ކޯހެން އިންޓަނޭޝަނަލް ކްރިމިނަލް ކޯޓުގެ ޗީފް ޕްރޮސެކިއުޓަރު ގާތުން އެދެފިއެވެ.
ޔަހޫދާ ކޯހެން ވަނީ ހޭގްގައި ކަރީމް ޚާނާ ބައްދަލުކޮށްފައެވެ.
ޔަހޫދީ ގައުމުގެ ކާން ރޭޑިއޯއިން، ޔަހޫދާއާ ހަވާލާ ދީ ބުނެފައި ވަނީ ނަތަންޔާހޫ ހައްޔަރުކުރުމުގެ އަމުރު ބޭނުންކޮށްގެން ހަނގުރމާ ހުއްޓުވައި ދިނުމަށާއި އަސީރުން މިނިވަން ކޮށް ދިނުމަށް މަޝްވަރާ ކުރެވުނު ކަމަށެވެ.
ޔަހޫދާގެ ދަރި ހަނގުރާމައިގެ އަސީރެއްގެ ގޮތުގައި ޙަމާސްއަށް ޣަނީމާ ކުރެވުނީ، 7 އޮކްޓޫބަރުގައި ނަމްރޫދް ކޯހެން ނަހަލް އޯޒް ބަސްތީގެ އަސްކަރީ މަރުކަޒުގައި ބަޑި ހިފައިގެން ފޯރިއަށް އުޅެނިކޮށެވެ. ނިމްރޫދުގެ އުމުރުން އެއިރ 19 އަހަރެވެ.
