އިޒްރޭލުގެ އުމުރުގެ 70 އަހަރުގެ ތެރޭގައި ބައިސާ ކަނޑާ އަރަބިންގެ ލަޝްކަރުތަކަށް ނުހޯދުނު ކާމިޔާބީ، 7 އޮކްޓޫބަރު 2023ގައި ޙަމާސްއިން ހޯދުމުން، އެވާހަކަ ތާރީޚީ ހާދިސާއަކަށް ހަދައިގެން ދެއްކުން މަނާ ކުރާ ގާނޫނުގެ އެންމެ ފަހު ކިޔުން އިޒްރޭލު ޕާލަމެންޓު، ކަނެސެޓުން މިއަދު ނިންމައިފިއެވެ.
7 އޮކްޓޫބަރުގައި ޙަމާސްއިން ގެންގުޅުނު މޮޅު އުކުޅުތަކާއި، އަސްކަރީ ސްޓްރެޓެޖިކް ރޭވުންތަކާއި އަދި އެކަން އިސްކޮށް ރޭވި ކޮމާންޑަރު ޝަހީދު ޔަޙުޔާ ސިންވާރުގެ ވާހަކަ ފާޅުގައި ދެއްކުން މަނާ ކުރަން އިޒްރޭލުން ވަނީ ނިންމާފައެވެ.
އަދި 7 އޮކްޓޫބަރުގެ ހާދިސާ ގެ ރޭވުންތައް މޮޅުކަމަށް ބުނެ ވާހަކަ ދެއްކުމާއި އެކަމަށް ދިރާސާތައް ކުރުންވެސް މަނާ ކުރުމަށް ނިންމާފައި ވެއެވެ.
އޭގެ އިތުރުން އެއީ ޒަޔަނިސްޓު ޔަހޫދީންނަށް ދިމާވި މުސީބާތެއް ނޫން ކަމަށް ގަބޫލު ކުރުމަކީ ކުށެއް ކަމަށް ހެދުމަށްވެސް އެ ގާނޫނުގައި ކަނޑައަޅާފައި ވެއެވެ.
