އެމެރިކާގެ އަޑީ ދައުލަތުން އަވަހާރަކޮށްފައިވާ ކަމަށް ތުހުމަތު ކުރެވޭ އެމެރިކާގެ ކުރީގެ ރައީސް ޖޯން އެފް ކެނެޑީއާއި ރޮބަރޓް ކެނެޑީއާއި މާޓިން ލޫތަރ ކިންގްގެ ފައިލްތަކުގައި ހުރިއެއްޗެއް އެނގެން އާއިލާއާއި ރައްޔިތުން ބޭނުން ވާނެ ކަމަށާއި އެފައިލްތައް 15 ދުވަސް ތެރޭގައި ހާމަ ކުރުމަށް ރައީސް ޓްރަމްޕް ރިއާސީ ގަރާރަކުން އަންގަވައިފިއެވެ.
1963 ވަނަ އަހަރު ދިމާވި ޖޯން ކެނެޑީ އަވަހާރަކޮށްލި މައްސަލައާ އަދި ސެނެޓަރު ރޮބަޓް އެފް ކެނެޑީ (ޖޯން ކެނެޑީގެ ބޭބެ) އާއި ކަޅު ނަސްލުގެ މީހުންގެ ހައްގަށް މަސައްކަތް ކުރެއްވި، މާޓިން ލުތަރ ކިންގް އަވަހާރަކޮށްލި މައްސަލައާ ގުޅޭ ހުރިހާ ލިޔެކިޔުންތަކެއް އާންމު ކުރުމަށް ވަނީ އަމުރު ކުރައްވާފަ އެވެ.
ޖޯން ކެނެޑީ އަވަހާރަކޮށްލުމާ ބެހޭ ގޮތުން ތަފާތު ގޮތްގޮތަށް 60 އަހަރު ވަންދެން ވާހަކަ ދައްކަމުން ގޮސްފައި ވެއެވެ. އެމައްސަލާގެ ހުރިހައި ފައިލްތައް ސިއްރު ފައިލްތަކެއްގެ ގޮތުގައި ހަމަޖައްސާފައި ވެއެވެ.
ކެނެޑީ އަވަހާރަކޮށްލީ، ޓެކްސަސްގެ ޑަލަސްގައި ކާރެއްގައި ދަތުރުކުރައް ވަނިކޮށެވެ. އޭނާގެ ބޮލަށް ބަޑި ޖެހިކަމަށް ބުނަނީ، އުމުރުން 24 އަހަރުގެ ލީ ހާވީ އޮސްވާލްޑެވެ.
