ޕާކިސްތާންގެ ސިންދުގެ ހަތަރު ޑިސްޓްރިކްޓެއްގައި ތިން ދުވަހުގެ ތެރޭގައި އެތައް އަންހެނުން މަރާލައިފިއެވެ. މިމީހުން މަރާލާފައި ވަނީ ބޯދާ ސަގާފަތެއްކަމަށްވާ "ކާރޯ ކާރީ" ނޫނީ އާއިލާގެ ޝަރަފް ރައްކާތެރި ކުރުމުގެ މަގްސަދުގައެވެ. ޖިއޯ ނިއުސްއިން މިހާދިސާތައް ރިޕޯޓު ކޮށްފައި ވެއެވެ.
އެއް ހާދިސާގައި މީހަކު އޭނާގެ އަންހެން ދަނބިދަރިފުޅާއި އޭނާގެ ލޯބިވެރިޔާ ކަމަށް ޝައްކު ކުރެވޭ މީހާ މަރާލާފައި ވަނީ ބަޑި ޖަހައިގެންނެވެ.
އެމީހާ ވަނީ މަރާލަން ބޭނުން ކުރި ހަތިޔާރާއެކު ފުލުހުންނާ ހަވާލުވެ ކުށަށް އިއުތިރާފުވެފައެވެ. އޭނާ ބުނެފައި ވަނީ ގޮތް ނޭނގޭ މީހަކާއެކު ދަނބިދަރިފުޅު ފެނުމުން ބަޑި ޖެހީ ކަމަށެވެ.
ފުލުހުން ވަނީ އެމީހުންގެ ގަބުރު ފޯސްޓްމޯޓަމް ހެދުމަށް ހޮސްޕިޓަލަކަށް ބަދަލުކޮށްފަ އެވެ.
އެހެން ހާދިސާއެއްގައި މީހަކު ވަނީ ފިލައިގެން ދާން އުޅުނު ޒުވާނަކު މަރާލައި އަދި އެއަށްފަހު އަމިއްލަ އަނބި މީހާވެސް މަރާލާފައެވެ. އެނާ ވަނީ އެ ޖަރީމާ ހިންގުމަށްފަހު ފިލައިގެން ގޮސްފައެވެ.
ފުލުހުން ވަނީ އެ ދެމީހުންގެ ގަބުރުތައް ހޮސްޕިޓަލަކަށް ފޮނުވާފައެވެ.
މަރުވި ޒުވާނާއަކީ ދާދި ފަހުން ދުބާއީން އައި މީހެކެވެ. ގާތިލް ކަމަށް ތުހުމަތު ކުރެވޭ މީހާ ހައްޔަރު ކުރުމުގެ މަސައްކަތް ކުރަމުންދާ ކަމަށް ބުނެފަ އެވެ.
ޖިއޯއިން ބުނިގޮތުގައި އެހެން ހާދިސާއެއްގައި މީހަކު ވަނީ އޭނާގެ ފަހަރިއާއި ފަހަރިއާ ހިތާވެގެން އުޅުނު ކަމަށް ތުހުމަތު ކުރެވޭ މީހާގެ ގަޔަށް ބަޑި ޖަހައި މަރާލާފައެވެ. ގާތިލު ވަނީ ޖަރީމާ ހިންގުމަށްފަހު ފިލާފައެވެ.
އޭގެ އިތުރުން ޒިނޭ ކުރިކަމުގެ ތުހުމަތުގައި މީހަކު އޭނާގެ އަންހެނުން މަރާލުމަށްފަހު ފިލާފައިވެއެވެ.
ޕާކިސްތާން ހިއުމަން ރައިޓްސް ކޮމިޝަނުން ބުނަނީ މިދިޔަ އަހަރުގެ ޖަނަވަރީން ނޮވެމްބަރަށް 346 މީހަކު އެފަދަ ހާދިސާތަކުގައި މަރާލާފައިވާ ކަމަށެވެ.
