ގއ. ވިލިނގިލި، 15 މާރިޗު 2024 (އާރު.ޑީ.ސީ) - ރޯޑް ޑިވަލޮޕްމަންޓް ކޯޕަރޭޝަން (އާރު.ޑީ.ސީ)ގެ މެނޭޖިންގ ޑިރެކްޓަރ ބްރިގޭޑިއަރ ޖެނެރަލް (ރޓ) އަލީ ޒުހައިރު އަދި އެ ކުންފުނީގެ އިސްވެރިން އިއްޔެ ވަނީ ގއ. ވިލިނގިލީ ކައުންސިލާ ބައްދަލުކުރައްވާފައެވެ.މި ބައްދަލުވުމަކީ އާރު.ޑީ.ސީގެ އެމް.ޑީ އަދި އެ ކުންފުނީގެ އިސްވެރިން ގއ. އަތޮޅަށް ކުރައްވަމުންގެންދަވާ ދަތުރުގެ ތެރެއިން، ވިލިނގިލީގައި ހިނގަމުންދާ މަގު ހެދުމުގެ ޕްރޮޖެކްޓާ ގުޅޭގޮތުން މަޝްވަރާކުރެއްވުމަށް ބޭއްވުނު ބައްދަލުވުމެކެވެ.ބައްދަލުވުމުގައި ވިލިނގިލީގެ މަގު ހެދުމުގެ މަޝްރޫޢާ ގުޅޭ ކަންބޮޑުވުންތަކާއި، މަޝްރޫޢު ކުރިއަށް ގެންދިއުމުގައި ދިމާވެފައިވާ ދަތިތަކާ ގުޅޭގޮތުން ވަނީ ފުޅާ ދާއިރާއެއްގައި މަޝްވަރާކުރެވިފައެވެ. މީގެ އިތުރުން، މަޝްރޫޢުގެ މަސައްކަތް އަވަސްކުރުމަށްޓަކައި އެޅިދާނެ ފިޔަވަޅުތަކާ ބެހޭގޮތުންވެސް ވަނީ ޚިޔާލު ބަދަލުކުރެވިފައެވެ.އާރު.ޑީ.ސީގެ އެމް.ޑީ އަލީ ޒުހައިރު ވިދާޅުވީ، "ވިލިނގިލީގެ މަގުތައް ތަރައްޤީކުރުމަކީ ރައްޔިތުންނަށް ވަރަށް މުހިންމު ކަމެއް. އަޅުގަނޑުމެން މަސައްކަތްކުރަމުން މިދަނީ މި މަޝްރޫޢު ވީހާވެސް އަވަހަކަށް ނިންމައި، ރައްޔިތުންނަށް މީގެ މަންފާ ލިބޭނެ ގޮތް ހަދައިދިނުމަށް."މި ބައްދަލުވުމުގައި އާރު.ޑީ.ސީގެ އިސްވެރިންގެ އިތުރުން ވިލިނގިލީ ކައުންސިލްގެ މެންބަރުންނާއި އިދާރީ މުވައްޒަފުން ބައިވެރިވެވަޑައިގެންނެވިއެވެ. އާރު.ޑީ.ސީގެ ޓީމުން ގއ. އަތޮޅުގެ އެހެން ރަށްރަށަށްވެސް ޒިޔާރަތްކޮށް، އެރަށްރަށުގެ މަގު ހެދުމުގެ މަޝްރޫޢުތަކާ ގުޅޭގޮތުން މަޝްވަރާކުރައްވާނެ ކަމަށް ބެލެވެއެވެ.

އިތުރު ލިޔުންތައް އާރ.ޑީ.ސީ