އިދިކޮޅު ޕީޕީއެމް/ޕީއެންސީ ކޯލިޝަނުން އިއްޔެ ބޭއްވި މުޒާހަރާގައި ހައްޔަރުކުރި 25 މީހުން ދޫކޮށްލައިފިއެވެ.
ފުލުހުން ބުނެފައިވަނީ ހައްޔަރުކުރި މީހުންގެ މިއަދު މެންދުރު ދޫކޮށްލާފައިވާކަމަށެވެ. އަދި އެމީހުން އެޗްޕީއޭގެ ގައިޑްލައިނާއި ހިލާފުވެފައިވާތީ ޖުރިމަނާ ކޮށްފައިވާކަމަށްވެސް ބުނެފައިވެއެވެ.
އެޗްޕީއޭގެ ގައިޑްލައިނާއި ހިލާފަށް އިދިކޮޅުން އިއްޔެ މާލޭގެ އެކި ސަރަހައްދުތަކުގައި ބޭއްވި މުޒާހަރާތަކުގެ ތެރެއިން ފުލުހުންގެ ބެލުމުގެ ދަށަށް 25 މީހުން ގެންގޮސްފައިވެއެވެ. އޭގެތެރޭގައި ޕީއެންސީގެ ރައީސް އަބްދުއްރަހީމް އަބްދުﷲ ހިމެނިވަޑައިގަންނަވައެވެ.
