ހިޔާ މަޝްރޫޢުއިން ފުލުހުންނާއި ސިފައިންނަށް ފުލެޓު ލިބުނު ކެޓަގަރީ އުވާލަން އުޅޭ ކަމުގެ ވާހަކަތައް ޑިފެންސް މިނިސްޓަރ މާރިޔާ އަހުމަދު ދީދީ ދޮގުކުރައްވައިފިއެވެ.
އާންމުންގެ އެކުވެރި ގުޅުން ޖަމިއްޔާއިން އިއްޔެ ނެރުނު ބަޔާނެއްގައި ބުނީ ހިޔާ ފުލެޓުން ފުލުހުންނަށް ކަނޑައެޅި 300 ފުލެޓު އަދި ސިފައިންނަށް ޚާއްޞަކުރި 300 ފުލެޓު، ޖުމްލަ 600 ފުލެޓު، ސަރުކާރަށް ނަަގަން ، އެ ދެ ކެޓެގަރީ އުވާލަން މަޝްވަރާ ކުރެވެމުންދާ ވާހަކަ އަދި އެކަމުގެ ކަންބޮޑުވުން، އެޖަމުޢިއްޔާގެ މެންބަރުންގެ ތެރޭގައި ހިމެނޭ ބައެއް ފުލުހުން އަދި ސިފައިން ހިއްސާކޮށްފައިވާކަމަށެވެ.
މި ވާހަކަތައް ދޮގުކުރައްވަމުން މިނިސްޓަރ މާރިޔާ ވިދާޅުވީ މި މަޝްރޫއުގެ ދަށުން ސިފައިންނަށް ލިބޭ 300 ފްލެޓަށް ކުރިމަތިލި ފަރާތްތަކުގެ ފޯމުތައް އިވޭލުއޭޓްކޮށް، އިންޓަރވިއު ކުރިކަން ސިފައިންނަށް އެނގޭނެ ކަމަށެވެ
